నయనతార అసిస్టెంట్లకు అంత జీతాలా: షాకింగ్ విషయాలు బయటపెట్టిన నిర్మాత

తమిళ చిత్ర పరిశ్రమలో నయనతార‌కు ఎంతో విలువ, పేరు ప్రతిష్ఠలు ఉన్నాయి. రజినీకాంత్, కమల్ హాసన్‌లకున్న హోదా నయనతారకు కూడా ఉంది. అయితే నయనతార కోసం సెట్స్‌లో పెట్టే ఖర్చులు అంతా ఇంతా కాదు అంటూ ప్రముఖ తమిళ నిర్మాత రాజన్ షాకింగ్ విషయాలను బయటపెట్టారు. నయనతార ఏదన్నా సెట్‌కు వెళితే ఆమెతో పాటు ఏడుగురు అసిస్టెంట్స్ కూడా ఉండి తీరాల్సిందేనట. వారికి ఒక్కొక్కరికి రోజుకి ఏడు నుంచి ఎనిమిది వేల రూపాలయ వరకు జీతం సమర్పించుకోవాలట.

‘‘నయనతారతో పాటు మరో ఆరు, ఏడుగురు అసిస్టెంట్స్ కూడా ఉంటారు. వారికి రోజుకు ఏడు నుంచి పన్నెండు వేల వరకు జీతాలు ఇవ్వాలి. నాకు తెలిసిన వారు ఈ విషయాలు చెప్పారు. కాబట్టి వారు చెప్పేది నిజమే అయివుంటుంది. ఈ రకంగా చూసుకుంటే నయన్ అసిస్టెంట్స్‌కు రోజుకు 75 నుంచి 80 వేల రూపాయల వరకు ఇవ్వాలి. ఒకవేళ నయన్ 50 రోజుల పాటు సెట్స్‌కు వస్తే పరిస్థితేంటో ఆలోచించండి. నిర్మాత సినిమా కోసం తెచ్చిన డబ్బును నయనతార అసిస్టెంట్స్ పైనే ఖర్చు అయిపోతుంది. దీనికి తోడు నయనతార డ్రైవర్స్‌కి, డీజిల్ ఖర్చులు ఎంత ఉంటాయో ఆలోచించండి’’

READ ALSO: Whattey Beauty Promo: వామ్మో రష్మిక డ్యాన్స్‌లు ఇరగదీసిందిగా..

‘‘ వీటికి తోడు కారవ్యాన్ల కోసం కూడా నిర్మాతలు భారీగా ఖర్చు చేస్తారు. ఒక్కో కారవ్యాన్‌ను మెయింటైన్ చేయాలంటే దాదాపు కోటి రూపాయలు అవుతుంది. ఓ భారీ సినిమా తీయాలంటే రోజూ తొమ్మిది కారవ్యాన్లు కావాల్సి వస్తుంది. ఒక్కో కారవ్యాన్‌ను మెయింటైన్ చేయాలంటే తొమ్మిది నుంచి పదివేల వరకు ఖర్చు అవుతుంది. అంటే నిర్మాత ఒక్క రోజు కారవ్యాన్‌కే లక్ష నుంచి కోటి రూపాయల వరకు ఖర్చు చేయాలి. ఎంజీఆర్, శివాజీ గణేశణ్‌లు అయితే అసలు ఎప్పుడూ కారవ్యాన్‌ను వాడలేదు. షూటింగ్‌కి వాళ్ల వాహనాల్లోనే వచ్చేవారు’’ అంటూ అసహనం వ్యక్తం చేశారు.
See Photo Story:యాంకర్ రష్మీ ఖతర్నాక్ ఫొటోలు