ఎన్టీఆర్ బయోపిక్‌కు హీరోయిన్ల వేట!

ఎన్టీఆర్ బయోపిక్‌కు దర్శకుడిగా కుదిరిన క్రిష్.. ఇప్పుడు హీరోయిన్ల వేటను సాగిస్తున్నట్టుగా సమాచారం. తేజ దర్శకత్వంలో మొదలైన ఈ సినిమాను క్రిష్ చేపట్టాడు. ఈ విధంగా కొంత విరామం అనంతరం ఈ సినిమాకు సంబంధించిన పనులు సాగుతున్నాయి. ఈ సినిమాను ప్రిస్టేజియస్‌గా తీసుకున్నాడు బాలయ్య. తన తండ్రి పాత్రను చేస్తున్న బాలయ్య.. ఆయన మెరిసిన అనేక పాత్రలను ఈ సినిమాలో చూపించాలని భావిస్తున్నాడట. ఎన్టీఆర్ చేసిన ఎన్నో పాత్రల్లో బాలయ్య మెరబోతున్నాడట ఈ సినిమాల్లో.

ఎన్టీఆర్‌కు బాగా పేరు తెచ్చిపెట్టిన పాత్రల్లో బాలయ్య కనిపించబోతున్నాడు. వాటి పోషణకు బాలయ్య ఓకే, జోడీగా హీరోయిన్లు కూడా అవసరమే కదా.. ఇప్పుడు అదే వేట సాగుతోందని సమాచారం.

సినిమాలో లెంగ్తీ రోల్స్‌లో కనిపించడానికి కాదు కానీ, ఇలా కనిపించి అలా మెరవడానికి హీరోయిన్లు అవసరం. వారి కోసం క్రిష్ అన్వేషణ సాగిస్తున్నాడట. ఒకరిద్దరు కాదు.. కనీసం డజను మంది హీరోయిన్ల అవసరం ఉండవచ్చని సమాచారం. ఇలాంటి గెస్ట్ అప్పీరియన్స్‌లకు హీరోయిన్లతో క్రిష్ సంప్రదింపులు జరుగుతున్నట్టుగా వార్తలు వస్తున్నాయి. అలా మెరిసి ఎన్టీఆర్ బయోపిక్‌ను కలర్‌ఫుల్ మార్చేది ఎవరెవరో!