రెజీనాకు తనదైన స్టైల్లో సారీ చెప్పిన కృష్ణవంశీ

ఎమోషన్స్‌ని తెరకెక్కించడంలో డైరెక్టర్ కృష్ణవంశీ ఎంత ఎక్స్‌పర్టో అందరికీ తెలుసు. అటువంటి కృష్ణవంశీ హీరోయిన్ రెజీనా విషయంలో ఓ తప్పు చేశానని ఫీల్ అయ్యాడు. ఇంకేం... తన చేతుల్లో వున్న పనితనంతోనే తనదైన స్టైల్లో ఆమెకు ఇలా సారీ చెప్పాడు. అవును.. ఇంతకీ కృష్ణవంశీ అంతలా ఫీల్ అవడానికి కారణం ఏంటి ? ఎందుకోసం రెజీనాకు సారీ చెప్పాడు ? ఎలా చెప్పాడు అనేది తెలియాలంటే... కృష్ణవంశీ ఫేస్‌బుక్ పేజీలో కనిపించే ఈ పోస్ట్‌పై ఓ లుక్ వేసుకోవాల్సిందే.

అదండీ సంగతి! రెజీనా బర్త్ డే రోజున ఆమెకు విష్ చేయడం మర్చిపోయిన కృష్ణవంశీ.. రెజీనా కోపం పోయేలా ఆమెతో ప్రస్తుతం తాను డైరెక్ట్ చేస్తున్న నక్షత్రం మూవీకి సంబంధించిన ఓ మేకింగ్ వీడియోను రిలీజ్ చేసి మరీ రెజీనాను కూల్ చేశాడిలా. కృష్ణవంశీ రిలీజ్ చేసిన ఈ వీడియోలో తన హావభావాలు, హోయలు, సొగసులు చూసుకుని రెజీనా సైతం ఎంతో ముచ్చటపడి వుంటుంది. సందీప్ కిషన్, రెజీనా ప్రధాన పాత్రల్లో తెరకెక్కుతున్న ఈ సినిమాలో రెజీనా జమునా రాణి అనే ఓ జూనియర్ ఆర్టిస్ట్ పాత్రలో నటిస్తోంది. సాయిధరమ్ తేజ్, ప్రగ్యాజైశ్వాల్ ఈ సినిమాలో ఇతర ప్రధాన పాత్రలు పోషిస్తున్నారు.