మహేశ్ హీరోయిన్.. ఆ హీరో తో సహజీవనం?!

కృతీ సనన్ .. ‘వన్’ సినిమాలో మహేశ్ తో, ‘దోచేయ్’ సినిమాలో అక్కినేని నాగ చైతన్య సరసన నటించిన హీరోయిన్. అటు నటిగానూ, ఇటు గ్లామర్ లుక్ విషయంలోనూ మంచి గుర్తింపు కలిగిన ఈ భామకు బాలీవుడ్ లో కూడా కొన్ని అవకాశాలు వచ్చాయి. షారూక్ సినిమాలోనే నటించింది. ఇలా సాగుతున్న కృతీ కెరీర్ లో తరచూ వార్తల్లో నిలిచే అంశం సహజీవనం. ఈమె బాలీవుడ్ హీరో సుశాంత్ సింగ్ రాజ్ పుత్ తో డేటింగ్ లో ఉంది, సహజీవనం కూడా చేస్తోందని చాన్నాళ్లుగానే వార్తలొస్తున్నాయి.

ఆ మధ్య వీళ్లిద్దరూ కలిసి ఒక సినిమాలో నటించారు. అప్పటి నుంచి ఇలాంటి రూమర్లు వచ్చాయి. అయితే సుశాంత్ కానీ, కృతీ కానీ వాటిపై స్పందించలేదు. తమ వరకూ ఏమీ రానట్టుగా గడిపేశారు. ఆ సినిమా పూర్తి అయిన తర్వాత వీళ్ల సహజీవనం గురించి రూమర్ల వార్తల ప్రవాహం కూడా ఆగిపోయింది. కానీ అసలు విషయం ఏమిటంటే.. వీళ్లిద్దరూ ఇప్పటికీ కలిసే ఉంటున్నారనేది.

సుశాంత్, కృతీ లు పీకల్లోతు ప్రేమలో మునిగి తేలుతున్నారని.. తరచూ బయట కూడా కలిసి కనిపిస్తున్నారని.. బాలీవుడ్ పత్రికలు కథనాలు రాస్తున్నాయి. అయితే ఇప్పుడు కూడా ఈ హీరోహీరోయిన్లిద్దరూ గుంభనంగా ఉన్నారు. మరి అసలు కథేమిటో..!