సుశాంత్ తో డేటింగా? రబ్బిష్

టాలీవుడ్ సూపర్ స్టార్ మహేశ్ బాబు ’వన్ నేనొక్కడినే’ సినిమాతో తెలుగు తెరకు పరిచయమైన హీరోయిన్ క్రితి సనన్ ఆ తర్వాత ’హీరో పంతీ’ సినిమాతో బాలీవుడ్ ఎంట్రీ ఇచ్చి అక్కడే వరుస ఆఫర్లు కొట్టేస్తుంది. ప్రస్తుతం క్రితి సనన్.. సుశాంత్ సింగ్ రాజ్‌పుత్ తో కలిసి ’రాబ్తా’ అనే సినిమాలో నటిస్తుంది. బుడాపెస్ట్‌లో ఈ సినిమా షూటింగ్ జరుపుకుంటుంది. ఇదే సమయంలో వీరిద్దరూ కలిసి దిగిన ఓ ఫోటో సోషల్ మీడియాలో చక్కర్లు కొడుతుంది. దీంతో వీరిద్దరూ డేటింగ్ చేస్తున్నారనే రూమర్లు బయటకు వచ్చాయి.



ఐతే, దీనిపై స్పందించిన క్రితి, తాను డేటింగ్ చేయడం లేదంటూ స్పష్టంచేసింది. ఇవి పూర్తిగా నిరాధారమైన పుకార్లని కొట్టిపారేసింది. సుశాంత్ తనకు ఓ మంచి సహ నటుడు మాత్రమే అని పేర్కొంది. ’కలిసి ఒకే సినిమాకు పనిచేస్తున్నాం.. ఇద్దరం ఒకరికొకరం ఇష్టపడతాం.. గౌరవించుకుంటాం. అంతేకానీ డేటింగ్ వార్తలో ఏమాత్రం నిజం లేదు’ అని క్రితి ట్వీట్ చేసింది.