డబ్బుకి, వారసులకే మర్యాద, గౌరవం.. సాయి పల్లవి వివాదాస్పద వ్యాఖ్యలు వైరల్!

తెలుగు, తమిళ చిత్రాల్లో విలక్షణమైన పాత్రల్లో నటిస్తూ గుర్తింపు సంపాదించుకున్న నటి సాయి పల్లవి (sai Pallavi). టాలీవుడ్‌లో అయితే ఈమెకున్న క్రేజ్ మామూలుగా ఉండదు. సాధారణంగా ఈమె వివాదాలకు దూరంగా ఉంటారు. మనసులో ఉన్నది ఉన్నట్లు చెప్పడానికే సాయి పల్లవి ఇంపార్టెన్స్ ఇస్తుంది. ఇది ఆమెకు కొన్ని సమస్యలను తెచ్చి పెడుతున్నాయి. గతంలో ఇతర మతస్థులపై జరుగుతున్న దాడుల గురించి స్పందించి చిక్కుల్లో పడ్డ చెన్నై సోయగం.. ఇప్పుడు మరోసారి వార్తల్లో నిలిచింది. ఎందుకో తెలుసా?.. డాన్స్ షోలపై సాయి పల్లవి వివాదాస్పద వ్యాఖ్యలు చేశారనే న్యూస్ నెట్టింట వైరల్ అవుతుంది.

హీరోయిన్ కావటానికి ముందు సాయి పల్లవి కొన్ని డాన్స్ షోస్‌లలోనూ పాల్గొంది. 2008లో స్టార్ విజయ్ కండెక్ట్ చేసిన డాన్స్ షో రన్నరప్‌గా ... 2009లో ఈటీవీలో వచ్చిన ఢీ 4లో సాయి పల్లవి కంటెస్టెంట్‌గా పార్టిసిపేట్ చేసింది. ఆ తర్వాత హీరోయిన్‌గా కెరీర్ స్టార్ట్ చేసిన తనదైన నటనతో ప్రత్యేకమైన గుర్తింపును సంపాదించుకుంది. ఇటీవల ఓ ఈవెంట్‌లో పాల్గొన్న సాయి పల్లవి.. టీవీల్లో ప్రసారమవుతున్న డాన్స్ షోలపై కాంట్రవర్సీయల్ కామెంట్స్ చేసిందనే వార్తలు నెట్టింట వైరల్ అవుతున్నాయి. టీవీల్లో వస్తున్న డాన్స్ రియాలిటీ షోస్‌పై తనకు నమ్మకం లేదని, ఛానెల్స్ డబ్బుకు ప్రాధాన్యత ఇస్తాయని, ప్రముఖుల వారసులకు మర్యాద, గౌరవం ఇస్తాయని సాయి పల్లవి చెప్పినట్లు న్యూస్ చక్కర్లు కొడుతోంది.

2022లో రానా (Rana Daggubati)తో కలిసి నటించిన విరాట పర్వం (Virata Parvam)... లేడీ ఓరియెంటెడ్ మూవీ గార్గి (Gargi) చిత్రాల్లో సాయి పల్లవి మరోసారి నటిగా తనేంటో ప్రూవ్ చేసుకుంది. ప్రస్తుతం ఆమె చేతిలో సినిమాలేవీ లేదు. డాక్టర్ చదివినప్పటికీ నటనపై ప్యాషన్‌తో హీరోయన్‌గా మారి లేడీ పవర్ స్టార్ (Lady Power Star) ఇమేజ్‌ను సంపాదించుకుంది సాయి పల్లవి.