దివంగత హీరోయిన్ దివ్యభారతి తల్లి మృతి

దివంగత హీరోయిన్ దివ్యభారతి తల్లి మీటా భారతి కన్నుమూశారు. కొంతకాలంగా కిడ్నీ సంబంధిత వ్యాధితో బాధపడుతున్న ఆమె తన స్వగృహంలో మరణించిన విషయం ఆలస్యంగా వెలుగులోకి వచ్చింది. ఏప్రిల్ 20న మీటా భారతి మరణించినట్లు మృతురాలి కుటుంబ బంధువుల్లో ఒకరైన కైనాత్‌ ఆరోరా మీడియాకు తెలిపారు.
తొలిముద్దు, బొబ్బిలిరాజా, చిట్టెమ్మమొగుడు, రౌడీ అల్లుడు చిత్రాలతో తెలుగు సినిమా పరిశ్రమలో ఓ వెలుగు వెలిగిన దివ్యభారతి తెలుగునాట సంచలనం సృష్టించిన విషయం తెలిసిందే.

బాలీవుడ్‌లో కూడా పలు చిత్రాల్లో నటించింది దివ్యభారతి అతి తక్కవ కాలంలోనే పాపులర్ హీరోయిన్ అయ్యారు. సక్సెఫుల్ హీరోయిన్‌గా ఇండస్ట్రీలో విరజిల్లుతున్న దివ్యభారతి 1993 ఏప్రిల్‌ 5న ముంబై వెర్‌సోవాలోని ఓ అపార్ట్మెంట్ పై నుండి పడి మరణించారు. ఇప్పటికీ ఆమె మరణంపై పలు అనుమానాలు ఉన్నాయి. ఇక కూతురు మరణంతో కృంగిపోయి ఇండస్ట్రీకి దూరంగా ఉంటున్న ఆమె తల్లి మీటా భారతి అనారోగ్య కారణాలతో మరణించడం వారి కుటుంబాన్ని మరింత విషాదంలోకి నెట్టింది.