‘హలో’ టీజర్: అఖిల్ కొత్త పోస్టర్ రిలీజ్

అఖిల్ కొత్త టీజర్‌ పోస్టర్‌తో ప్రేక్షకుల ముందుకు వచ్చాడు. విక్రమ్ కుమర్ దర్శకత్వంలో తెరకెక్కుతున్న ‘హలో’ మూవీ పోస్టర్‌ను ట్విట్టర్ ద్వారా విడుదల చేశారు అఖిల్. ఫస్ట్‌లుక్ పోస్టర్‌లో తలకిందులుగా ఎత్తైన బిల్డింగ్‌పై ఉన్న లుక్‌లో కనిపించిన అఖిల్.. తాజా లుక్‌లో ఎత్తైన ప్రదేశం నుండి దూకుతున్నాడు. ఇదే పోస్టర్‌పై ‘హలో’ టీజర్ రిలీజ్ డేట్‌ను అనౌన్స్ చేసేశారు. నవంబర్ 16న థ్రిల్లింగ్ టీజర్‌ను విడుదల చేస్తున్నట్టు ప్రకటించారు.

అయితే ‘హలో’ టీజర్ పోస్టర్‌ను చిత్ర యూనిట్ అఫీషియల్‌గా రిలీజ్ చేయకముందే సోషల్ మీడియాలో టీజర్ పోస్టర్ లీక్ అయ్యింది. దీంతో చేసేదిలేక మరో కొత్త పోస్టర్‌ను రిలీజ్ చేశారు అఖిల్. కాగా లేటెస్ట్ పోస్టర్ కంటే లీక్ పోస్టర్ బాగుందనే అభిప్రాయం ప్రేక్షకుల నుండి వ్యక్త మవుతున్నాయి. లీక్ పోస్టర్‌లో అఖిల్ బైక్ రేసర్లుతో పోటీ పడుతూ.. రయ్ మంటూ దూసుకొచ్చే స్టన్నింగ్ లుక్‌లో దర్శనం ఇస్తున్నాడు.

అన్నపూర్ణ స్టుడియోస్ బ్యానర్‌లో నాగార్జున భారీ బడ్జెట్‌తో ఈ చిత్రాన్ని నిర్మిస్తున్నారు. ఈ మూవీలో అఖిల్ సరసన దర్శకుడు ప్రియదర్శన్ కుమార్తె కళ్యాణి నటిస్తుంది. డిసెబర్ 22న క్రిస్మస్ కానుకగా ‘హలో’ మూవీ విడుదల కానుంది.
And November 16th it is! The teaser is headed your way and we can’t be more thrilled. No looking back. #HelloTeaserOnNov16 #HelloOnDec22 pic.twitter.com/jf1dW3kC0S — Akhil Akkineni (@AkhilAkkineni8) November 14, 2017   ముందుగా లికైన ‘హలో’ టీజర్ పోస్టర్ ఇదే: