‘ఓం నమోవెంకటేశాయ’కి తప్పని లీక్ షాక్

టాలీవుడ్ దర్శకులకు లీకులు మేకుల్లా గుచ్చుకుని వారికి నిద్రలేకుండా చేస్తున్నాయి. పవన్ కళ్యాణ్ అత్తారింటికి దాదేది నుండి రాజమౌళి రూపొందిస్తున్న "బాహుబలి ది కన్ క్లూజన్" వరకూ ఈ లీక్‌ల గోల టాలీవుడ్ వర్గాలను షాక్ కు గురిచేస్తోంది. అయితే ఇది పబ్లిసిటీ స్టంట్ అని కొంతమంది కొట్టిపారేస్తున్నారు. అయితే బాహుబలి2 సీన్‌లను లీక్ చేసిన ఇంటి దొంగలను 24 గంటల్లోనే పట్టుకోవడంతో లీక్‌లను నిజమే అని తేల్చారు పోలీసులు.

అంతేకాదు బాహుబలి2తో పాటు నాగార్జున ‘ఓం నమోవెంకటేశాయ’ సినిమాకి సంబంధించిన సీన్‌లను కూడా లీక్ చేయడానికి నిందితులు ప్రయత్నిస్తున్నట్లు తెలిసింది. ఆ సినిమాకి సంబంధించిన కొన్ని సీన్‌లు వారి లాప్‌టాప్, సెల్‌ఫోన్‌లలో దర్శనం ఇవ్వడంతో పోలీసులు అవాక్కయ్యారు.

దర్శకేంద్రుడు కె.రాఘవేంద్రరావు దర్శకత్వంలో రూపుదిద్దుకుంటున్న "ఓం నమో వేంకటేశాయ" సినిమా యూనిట్ ఊరట చెందే అసలు విషయం ఏటంటే నిందితులు ఇప్పటివరకు ఈ సన్నివేశాలను ఎవరికీ షేర్ చేయలేదని విజయవాడ ఏసీపీలు సత్యానందం, మురళీధర్ లు వెల్లడించారు.