Balasubrahmanyam: విషమంగా ఎస్పీ బాలు ఆరోగ్యం.. ఐసీయూలో చికిత్స

గాన గాంధర్వుడు ఎస్పీ బాలసుబ్రమణ్యం‌ ఆరోగ్యం క్షీణించడంతో చెన్నై ఎంజీఎం ఆసుపత్రిలో చికిత్స పొందుతున్నారు. ఇటీవల ఆయనకు కరోనా సోకడంతో చెన్నై ఎంజీఎం ఆసుపత్రిలో చికిత్స పొందుతున్న విషయం తెలిసిందే. అయితే గత రాత్రి ఆయన ఆరోగ్యం బాగా క్షీణించడంతో ఐసీయూకి తరలించి నిపుణులైన డాక్టర్లతో పర్యవేక్షిస్తున్నారు. అయితే ప్రస్తుతం ఆయన హెల్త్ కండిషన్ క్రిటికల్‌‌గా ఉన్నట్టు ఎంజీఎం ఆసుపత్రి వైద్యులు హెల్త్ బులిటెన్ విడుదల చేసింది.


బీపీ, షుగర్‌తో పాటు కోవిడ్ లక్షణాలు పెరగడంతో ఎస్పీ బాలు శ్వాస తీసుకోవడానికి బాగా ఇబ్బంది పడుతున్నట్టుగా తెలుస్తోంది. ఈనెల 5వ తారీఖు నుంచి బాలుకి చికిత్స అందిస్తుండగా.. ఆయన ఆరోగ్య పరిస్థితి క్షీణించడంతో అభిమానులతో పాటు కుటుంబ సభ్యులు ఆందోళనకు గురౌతున్నారు.

కాగా.. తనకు కరోనా వచ్చిందని విషయాన్ని సోషల్ మీడియా ద్వారా తెలియజేసిన బాలు.. తన ఆరోగ్యం నిలకడగా ఉందని, ఎలాంటి వ్యాధి లక్షణాలు లేవని, దయచేసి ఎవరూ ఫోన్లు చేసి ఇబ్బంది పెట్టొదని వీడియో విడుదల చేశారు.

Read Also: నితిన్ పెళ్లికి వెళ్లిన పవన్.. నిహారిక నిశ్చితార్థానికి రాకపోవడానికి కారణం ఇదే!