లై సినిమాతో నితిన్ రేంజ్ మళ్లీ పెరిగిందా ?

నితిన్ అప్‌కమింగ్ మూవీ 'లై' కెరీర్ పరంగా అతడి రేంజ్ పెంచుతుందా అంటే అవుననే అంటున్నాయి ట్రేడ్ వర్గాలు. ఎందుకంటే తాజాగా ట్రేడ్ వర్గాల ద్వారా అందుతోన్న సమాచారం ప్రకారం లై సినిమా శాటిలైట్ రైట్స్ రూ.7 కోట్లకి అమ్ముడుపోయినట్టు తెలుస్తోంది. ఓ ప్రముఖ ఎంటర్‌టైన్‌మెంట్ ఛానెల్ రూ. 7 కోట్లు వెచ్చించి లై సినిమా శాటిలైట్ రైట్స్ దక్కించుకున్నట్టు సమాచారం. నితిన్ కెరీర్‌లో శాటిలైట్ రైట్స్ ఇంత అత్యధిక ధరకి అమ్ముడుపోవడం ఇదే మొదటిసారని.. అందుకే నితిన్‌కి ఇకపై ఇంకొంత మార్కెట్ పెరిగినట్టే అనేది ట్రేడ్ టాక్.

హను రాఘవపూడి డైరెక్ట్ చేస్తున్న ఈ సినిమాలో నితిన్‌తోపాటు మరో సీనియర్ హీరో యాక్షన్ కింగ్ అర్జున్ కూడా మరో ప్రధాన పాత్రలో నటిస్తున్నాడు. 'శ్రీ ఆంజనేయం' తర్వాత మళ్లీ నితిన్, అర్జున్ కలిసి నటిస్తున్న మొదటి సినిమా ఇదే. 14 రీల్స్ ఎంటర్‌టైన్‌మెంట్స్ బ్యానర్ నిర్మిస్తున్న ఈ సినిమాలో నితిన్ సరసన తమిళ బ్యూటీ మెఘా ఆకాశ్ జంటగా నటిస్తోంది. దాదాపు పోస్ట్ ప్రొడక్షన్స్ వర్క్ సైతం పూర్తికావచ్చిన లై సినిమా ఆగస్టు 11న ఆడియెన్స్ ముందుకు రానుంది.