విలన్‌తో టాలీవుడ్ హీరోయిన్ లవ్ ట్రాక్.. పెళ్లికి సిద్దమైన ప్రేమ పక్షులు

సినిమా అనే రంగుల ప్రపంచంలో లవ్ ట్రాక్స్, డేటింగ్ సంగతులు కామన్. ఇలాటి వార్తలు ఎప్పుడూ వింటూనే ఉంటాం. హీరో హీరోయిన్లు ప్రేమించుకోవడం, ఇష్టమైన డైరెక్టర్‌తో హీరోయిన్ ప్రేమలో పడటం లాంటివి చూస్తుంటాం. కానీ ఓ విలన్‌తో హీరోయిన్ లవ్ ట్రాక్ నడిపించడం అనేది చాలా అరుదు అని చెప్పుకోవాలి. తాజాగా ఆ లిస్టులో చేరారు ప్రేమ పక్షులు విమలా రామన్- వినయ్‌ రాయ్‌.

తమిళ నటుడిగా, విలన్‌గా తనకంటూ ప్రత్యేక గుర్తింపు తెచ్చుకున్న వినయ్‌ రాయ్‌‌తో పీకల్లోతు ప్రేమలో మునిగి తేలుస్తోంది టాలీవుడ్ హీరోయిన్ విమలా రామన్. గత కొంతకాలంగా వీరి లవ్ ట్రాక్ నడుస్తోంది. తరచూ విహారయాత్రలకు వెళ్తూ ఎంజాయ్ చేసే ఈ ప్రేమ జంట పలుసార్లు కెమెరాకు చిక్కి వార్తల్లో కూడా నిలిచారు. ఈ నేపథ్యంలో తాజాగా వీళ్ళ మూడుముళ్ల బంధానికి ముహూర్తం ఫిక్స్ చేశారని తెలుస్తోంది. పెద్దలను ఒప్పించిన విమలా రామన్- వినయ్‌ రాయ్‌ త్వరలోనే ఒక్కటి కాబోతున్నట్లు సమాచారం. ఇందుకు సంబంధించిన అధికారిక ప్రకటన కూడా అతి త్వరలో ఇవ్వనున్నారని టాక్.
Beast: ఊపేస్తున్న అరబిక్ కుతు సాంగ్.. తెలుగు వర్షన్ వీడియో వైరల్
మోడల్‌గా కెరీర్ ఆరంభించిన అందాల భామ విమలా రామన్.. క్రమంగా హీరోయిన్‌గా ఎదిగింది. మొదట మలయాళ సినిమాల్లో నటించిన ఆమె, ఆ తర్వాత తెలుగు తెరపై కాలుమోపింది. ''గాయం-2, చట్టం, ఎవరైనా.. ఎపుడైనా, చుక్కలాంటి అమ్మాయి చక్కనైన అబ్బాయి'' లాంటి సినిమాలతో టాలీవుడ్ ప్రేక్షకులకు దగ్గరైంది. ఇక వినయ్‌ రాయ్‌‌ విషయానికొస్తే.. 'ఉన్నాలే ఉన్నాలే' సినిమాతో తమిళ నటుడిగా పరిచయమై 'జయం కొందాన్‌, ఎంద్రెంద్రమ్‌ పున్నగై' లాంటి సినిమాల్లో హీరోగా చేసి 'డిటెక్టివ్, చంద్రకళ, వరుణ్ డాక్టర్, ఈటీ (ఎవరికీ తలవంచడు)'' తదితర సినిమాల్లో విలన్‌గా అదరగొట్టాడు. సో.. చూడాలి మరి విమలా రామన్- వినయ్‌ రాయ్‌ పెళ్లి ముహూర్తంపై ఎప్పుడు అధికారిక సమాచారం బయటకొస్తుందనేది!.