‘లవర్’ టీజర్: కొంచెం ఓవరైనట్లు లేదూ!

హిట్ కోసం ఎదురుచూస్తున్న యువ హీరో రాజ్‌తరుణ్ మరో ప్రేమకథతో సిద్ధమైపోయాడు. ఈ సారి ‘లవర్‌’గా తన లక్‌ను పరీక్షించుకుంటున్నాడు. దిల్ రాజు నిర్మాణ సారథ్యంలో శ్రీవేంకటేశ్వర క్రియేషన్స్ బ్యానర్‌పై వస్తున్న ఈ సినిమాకు అనీశ్ కృష్ణ దర్శకత్వం వహించారు. చిత్రయూనిట్ యూట్యూబ్‌లో రిలీజ్ చేసిన ఈ సినిమా టీజర్‌కు మాంచి రెస్పాన్స్ వస్తోంది.

రాజ్‌తరుణ్ పాత్రను ఇందులో వినోదాత్మకంగా తెరకెక్కించినట్లు తెలుస్తోంది. ‘‘ఒకప్పుడు గ్రేట్ లవర్స్‌ స్టోరీలను కొందరు చెబుతుంటే చాలా ఓవర్‌గా చెబుతున్నారని అనుకునే వాడిని రా.. కానీ, ఇప్పుడు చెబుతున్నాను. అప్పట్లో వాళ్ల ఫీల్ ఇప్పుడు నేను ఫీలవ్వుతున్నారా’’ అంటూ ఈ టీజర్ ప్రారంభమైంది. ‘‘నా ప్రేమ విశ్వమంత.. నువ్వు తప్పించుకోలేవు’’, ‘‘కొంచెం ఓవర్ చేస్తున్నట్లు లేదురా? అని ఫ్రెండ్ అంటే ‘‘అస్సలు లేదు’’ అని రాజ్‌తరుణ్ చెప్పే డైలాగుతో టీజర్ ముగిసింది. ఈ చిత్రంతో రిద్ధి కుమార్‌ హీరోయిన్‌గా పరిచయమవుతోంది. ఈ సినిమా జులై 20న విడుదల కానుంది.
‘లవర్’ టీజర్