Vishnu Priya వీడియో: జరీ జరీ పంచెకట్టి.. ఊపేసిన విష్ణు ప్రియ, మానస్

జరీ జరీ పంచెకట్టి (Zari Zari Panche Katti) అంటూ సోషల్ మీడియాను ఊపేస్తున్నారు మానస్, విష్ణుప్రియలు. యాంకర్ విష్ణు ప్రియ అంటే సోషల్ మీడియాలో ఉన్న బీభత్సమైన క్రేజ్. ఆమె నడుముతిప్పుడు.. బెల్లీ డాన్స్‌తో సోషల్ మీడియాను షేక్ చేస్తుంటుంది. ఇక బిగ్ బాస్ మానస్‌ కూడా డాన్స్‌లో ఇరగదీస్తాడు. వీళ్లిద్దరూ కలిసి ఓ మాస్ మసాలా ఫోక్ సాంగ్ వేసుకుంటే ఆ కిక్ ఎలా ఉంటుందో జరీ జరీ పంచెకట్టి సాంగ్‌లో చూపించారు.

ఈ సాంగ్‌కి మరో ప్రత్యేకత ఏంటంటే.. శేఖర్ మాస్టర్ కొరియోగ్రఫీ చేయడం. జరీ జరీ పంచెకట్టి అంటూ విష్ణు ప్రియతో ఓ రేంజ్‌లో నడుము తిప్పిస్తూ కిక్ ఇచ్చే కొరియోగ్రఫీ అందించారు శేఖర్ మాస్టర్. అటు మానస్.. ఇటు విష్ణు ప్రియ ఇద్దరూ పోటీపడి మాస్ స్టెప్పులతో ఇరగదీశారు. విష్ణుప్రియ చాలా ఈజీగా స్టెప్పులు వేస్తూ గ్రేస్ చూపించగా.. మానస్ మంచి స్వాగ్‌లో కనిపించాడు. పాటకి తగ్గ ఆట.. ఆటకి తగ్గ జంట.. జంటకు తగ్గ ఊపు అనేట్టుగా ఈ పాట ఉంది.

సుద్దాల అశోక్ తేజ ఈ పాటకు సాహిత్యం అందించగా.. శ్రావణ భార్గవి, సాకేత్‌లు ఆలపించారు. SK మదీన్ స్వరాలను సమకూర్చగా.. ప్రస్తుతం ఈ సాంగ్ యూట్యూబ్‌లో వైరల్ అవుతోంది.