Thinnava Ra Srujana Song: ‘తిన్నావరా సృజనా’ పాటతో ఊపేస్తున్న మధుప్రియ

‘తిన్నావరా సృజన’.. ఈ మధ్యకాలంలో సోషల్ మీడియాలో బాగా హల్ చల్ అవుతున్నది ఈ పదమే. యూట్యూబ్ ఫాలోవర్స్‌కి ‘సృజన’ ఆడియో టేప్‌ల గురించి ప్రత్యేకంగా చెప్పాల్సిన పనిలేదు. యూట్యూబ్‌లో ప్రస్తుతం ఈ ‘సృజన’ ఆడియో టేపులు సంచలనంగా మారాయి. ఇక ఈ ఆడియో టేపుల గురించి లోతుగా వెళ్లకుండా ఉంటేనే మంచిది కాని.. ప్రస్తుతం అన్ని వాట్సాప్ గ్రూపుల్లోనూ, ఫేస్ బుక్‌లలోనూ హల్ చేస్తూ హాట్ టాపిక్‌గా మారిన ‘సృజన’ క్రేజ్‌ను క్యాష్ చేసుకునేందుకు సింగర్ మధుప్రియ గొంతు విప్పింది.

‘ఫర్ ఆల్ సృజన ఫ్యాన్స్‌ కోసం ఈ పాట’ అంటూ.. అదిరిపోయే బీట్ మంచి ఊపు ఉన్న పాటను పాడింది మధుప్రియ. ‘‘ఓ పిల్లా.. నీ పేరే సృజన.. నీ పేరే చేస్తున్నా భజన’’ అంటూ మేల్ సింగర్ రఘురామ్‌తో కలిసి ఈ ఊపేసింది మధుప్రియ. ‘‘నాకు నువ్వు వద్దు.. వద్దు’’ అంటూ ఒరిజినల్ ‘సృజన’ ఆడియో టేపుల్లోనే ‘తిన్నావారా సృజనా’ ఆడియో క్లిప్పింగ్స్‌ని సైతం వాడేశారు. అలరాజు ఈ పాటకు లిరిక్స్ అందించగా.. రఘు రామ్, మధుప్రియలు ఆలపించారు. రఘరామ్ ఈ పాటను కంపోజ్ చేశారు.