మహేష్ బాబు, ఎన్టీఆర్‌లతో శర్వానంద్ పోటీ ?

సూపర్ స్టార్ మహేష్ బాబు, యంగ్ టైగర్ ఎన్టీఆర్ లాంటి స్టార్ హీరోలతో శర్వానంద్ పోటీకి దిగుతున్నాడా అంటే అవుననే అంటున్నాయి టాలీవుడ్ వర్గాలు. అందుకు కారణం శతమానం భవతి లాంటి బ్లాక్ బస్టర్ తర్వాత శర్వానంద్ నటించిన మహానుభావుడు సినిమా కూడా స్పైడర్, జై లవ కుశ సినిమాల సీజన్ లోనే రిలీజ్ కి రెడీ అవడమే. అవును, మహానుభావుడు సినిమాకు రిలీజ్ డేట్ ఫిక్స్ అయింది. ఈ సినిమాను కూడా దసరా కానుకగా హాలీడే రేసులో పెట్టాడు డైరెక్టర్ మారుతి.

బాబు బంగారం సినిమా తర్వాత డైరెక్టర్ మారుతి తెరకెక్కించిన సినిమా ఇది. మారుతి, శర్వానంద్ కాంబినేషన్‌లో వస్తున్న మొదటి సినిమా కూడా ఇదే. వినాయక చవితి సందర్భంగా విడుదలైన టీజర్‌కి ఆడియెన్స్ నుంచి భారీ స్పందన కనిపించింది. అదే జోష్ తో సినిమాను సెప్టెంబర్ 29న రిలీజ్ చేసేందుకు ఏర్పాట్లు చేసుకుంటున్నారు నిర్మాతలు. సాహో సినిమా నిర్మాతలైన యూవీ క్రియేషన్స్ నిర్మించిన ఈ సినిమాలో శర్వానంద్ సరసన మెహ్రీన్ జంటగా నటించింది.