మహేష్ మూవీ టైటిల్ ఫిక్స్..‘ఏజెంట్ శివ’కాదట

మహేష్-మురుగదాస్ సినిమా టైటిల్ విషయంలో కన్ఫ్యూజన్‌కి తెరపడింది. ఫైనల్‌గా ఈ సినిమాకి ఓ ఫవర్ ఫుల్ టైటిల్‌ని ఫిక్స్ చేశారు. వీరి కాంబినేషల్‌లో వస్తున్న మూవీకి టైటిల్ ‘ఏజెంట్ శివ’అని ప్రచారం జరిగినా చివరికి ‘సంభవామి’ అనే పవర్ ఫుల్ టైటిల్‌ను ఫిక్స్ చేశారు.

మహేష్ బాబు ‘బ్రహ్మోత్సవం’ ఫ్లాప్ తరువాత మురుగదాస్ డైరెక్షన్లో ఒక సినిమా చేస్తున్నాడటంతో ఈ సినిమాపై ప్రేక్షకుల్లో భారీ అంచనాలు ఏర్పడ్డాయి. ఫుల్ లెంగ్త్ యాక్షన్ ఎంటర్టైనర్‌గా ఉండనున్న ఈ చిత్రంలో మహేష్ ఐబీ ఆఫీసర్‌గా కనిపిస్తుండటంతో ఈ అంచనాలు మరింత రెట్టింపు అయ్యాయి.

ఈ సినిమా సగం పైగా షూట్ కంప్లీట్ అయినా నిన్నటి వరకూ టైటిల్ అనేది పెట్టకుండా వర్కింగ్ టైటిల్ తోనే పని కానిచ్చేశారు. ఎందుకంటే ఇన్నాళ్లుగా ఈ సినిమా కథకి సూటయ్యే టైటిల్ దొరకలేదట.

భగవద్గీతలోని శ్లోకాల్లో అధర్మాన్ని సంహరించడానికి ఒక విశిష్ట వ్యక్తి అవసరం అని ప్రస్తావించే సందర్భంలో పలికే ‘ధర్మ సంస్థాపనార్థాయ’ శ్లోకంలో చివరగా సంభవామి యుగే యుగే అనే పదం వస్తుంది. ఈ సినిమాలో కూడా మహేష్ పాత్ర చెడుకు వ్యతిరేకంగా పోరాడే పవర్ ఫుల్ పోలీసాఫీసర్‌గా ఉండనుండటంతో ఈ టైటిల్‌ని ఫిలించాంబర్‌లో రిజిష్టర్ చేయించడంతో .. టైటిల్ విషయంలో ఉన్న సస్ఫెన్స్‌కి తెరపడింది.