ఫస్ట్‌లుక్: సీఎంగారూ.. చితక్కొట్టారండీ!!

మహేష్ అభిమానులు ఎప్పుడెప్పుడా అని ఎదురుచూస్తున్న ‘భరత్ అనే నేను’ ఫస్ట్‌లుక్ వచ్చేసింది. మహేష్ కెరియర్‌లో ‘శ్రీమంతుడు’ చిత్రంతో బిగ్గెస్ట్ బ్లాక్‌బస్టర్ హిట్ ఇచ్చిన కొరటాల శివ.. మహేష్‌తో రెండోసారి వర్క్ చేస్తున్నాడు. కాగా వీరి కాంబో మూవీకి ఇప్పటికే భారీ అంచనాలు ఏర్పడటంతో ఈ సినిమా అప్డేట్స్ కోసం ప్రిన్స్ అభిమానులు ఎదురు చూస్తున్నారు. వీరి అంచనాలకు తగ్గట్లుగానే మహేష్ 24 మూవీ ‘భరత్ అనే నేను’ తీర్చిదిద్దుతున్నాడు కొరటాల శివ. తాజాగా ఈ మూవీ వినూత్న ప్రచారంలో భాగంగా ఈ ఉదయం 7 గంటలను ఫస్ట్‌ వోథ్ పేరుతో ఈ మూవీ నుండి మహేష్ ముఖ్యమంత్రిగా ప్రమాణ స్వీకారం చేసిన ఆడియోను విడుదల చేసిన చిత్రయూనిట్ తాజాగా ఫస్ట్‌లుక్‌ను రిలీజ్ చేశారు.

నీట్ అండ్ క్లాస్ లుక్‌లో బ్రీఫ్ కేస్ పట్టుకుని యంగ్ స్టైలిష్ ముఖ్యమంత్రిగా కేబిన్ నుంచి బయటకు వస్తున్న లుక్‌కి మహేష్ ఫ్యాన్స్ ఫుల్ ఫిదా అవుతున్నారు. బ్యాగ్రౌండ్‌లో డా. బి. ఆర్ అంబేడ్కర్, మహాత్మాగాంధీ ఫోటోలు ఉండటం ఈ ఫస్ట్‌లుక్‌కి హైలైట్‌గా నిలిచాయి. ఆంధ్రప్రదేశ్‌లో జరుగుతున్న ఒక ఫిక్షనల్‌ పొలిటికల్‌ డ్రామాగా ‘భరత్ అనే నేను’ మూవీని తెరకెక్కిస్తున్నారు కొరటాల.

Bharath takes office :)#BharathAneNenu pic.twitter.com/4TNVHp6ZyV — Mahesh Babu (@urstrulyMahesh) January 26, 2018
డి.వి.వి దానయ్య నిర్మిస్తున్న ఈ చిత్రంలో మహేష్ సరసన బాలీవుడ్ బ్యూటీ కైరా అద్వాని హీరోయిన్‌గా నటిస్తోంది. రాక్ స్టార్ దేవి శ్రీ ప్రసాద్ సంగీతం అందిస్తున్నారు. ఎనభై శాతం షూటింగ్ పూర్తి చేసుకున్న ఈ చిత్రాన్ని ప్రేక్షకుల భారీ అంచనాల నడుమ ఏప్రిల్ 27న విడుదల చేస్తున్నారు.