‘భరత్ అనే నేను’ ప్రి రిలీజ్ ఎప్పుడు? ఎక్కడ?

మహేష్-కొరటాల కాంబినేషన్‌లో వస్తున్న ‘భరత్ అనే నేను’ మూవీ కోసం ఫ్యాన్స్ ఎంతగానో ఎదురు చూస్తున్నారు. శరవేగంగా షూటింగ్ జరుపుకుంటున్న ఈ మూవీ ప్రమోషన్స్‌ని వేగవంతం చేసింది. ఇప్పటికే టీజర్‌తో సోషల్ మీడియా సంచలనంగా మారిన ‘భరత్ అనే నేను’ ప్రి రిలీజ్ ఈవెంట్‌కు గ్రాండ్‌గా ప్లాన్ చేస్తుంది. ఫస్ట్ వోథ్‌లోనే అద్భుతమైన మ్యూజిక్ అందించిన దేవిశ్రీ ప్రసాద్ ఈ మూవీ సాంగ్స్‌కి అంతకు మించిన రీతిలో స్వరాలను సమకూర్చే పనిలో ఉన్నారు. కాగా ఈ మూవీ ప్రి రిలీజ్ ఈవెంట్‌ను ఏప్రిల్ మొదటి వారంలో వైజాగ్‌లో నిర్వహించి... అక్కడే సాంగ్స్‌ను కూడా విడుదల చేసేందుకు ప్లాన్ చేస్తుంది చిత్ర యూనిట్.

కొరటాల-మహేష్-దేవి శ్రీ కాంబినేషన్‌లో గతంలో విడుదలైన ‘శ్రీమంతుడు’ బ్లాక్ బస్టర్ హిట్‌గా నిలవడంతో ‘భరత్ అనే నేను’ మూవీపై విపరీతమైన అంచనాలు వచ్చేశాయి. డివివి దానయ్య నిర్మిస్తున్న ఈ మూవీలో మహేష్ సరసన బాలీవుడ్ బ్యూటీ కైరా అద్వానీ జోడి కడుతుండగా.. ప్రకాష్ రాజ్ విలన్‌గా నటిస్తున్నారు. ఈ మూవీలో తమిళ సీనియర్ హీరో శరత్ కుమర్ మహేష్‌కు తండ్రిగా నటిస్తున్నారు. ఈ మూవీలో మహేష్ ఉమ్మడి ఆంధ్రప్రదేశ్ ముఖ్యమంత్రిగా నటిస్తున్న విషయం తెలిసిందే. భారీ అంచనాలతో ‘భరత్ అనే నేను’ ఏప్రిల్ 20న ప్రేక్షకుల ముందుకు రానుంది.