మహేష్, మురుగదాస్ మూవీ ఫస్ట్‌లుక్ ఇదే!

శ్రీమంతుడు సినిమాతో బ్లాక్ బ్లస్టర్ కొట్టిన మహేష్‌బాబు బ్రహ్మెత్సవం సినిమాతో నిరాశ పరచడంతో అప్ కమింగ్ మూవీ‌పై మహేష్‌బాబు అభిమానులకు ‌భారీ అంచనాలే ఉన్నాయి. మురుగదాస్ కాంబినేషన్లో భారీ బడ్జెట్ తో ద్విబాషా చిత్రం తెరకెక్కుతున్న సంగతి తెలిసిందే. ఈ సినిమాకి షూటింగ్ శరవేగంగా జరుపుకుంటుంది. అయితే మురుగదాస్ సినిమా విషయాలు బయటకు పొక్కకుండా చాలా జాగ్రత్తగా ఉంటున్నాడు.

అయితే తాజాగా సినిమాకు సంబంధించిన పోస్టర్ ఒకటి బయటకు వచ్చింది. ఈ సినిమాకి సౌత్ పాపులర్ సినిమాటోగ్రాఫర్ సంతోష్ శివన్ పని చేస్తున్నారు. తన ట్విట్టర్ ఖాతా ద్వారా ఫస్ట్‌లుక్ ని షేర్ చేశారు. మహేష్ బాబుతో పని చేయడం హ్యాపీగా ఉందనన్నారు. మహేష్ బాబు స్టార్ పవర్ అపారం, అపరిమితం అని సంతోష్ శివన్ పొగలతో ముంచెత్తారు. మహేష్ బాబు కూడా తన ట్విట్టర్ ద్వారా తన అభిమానులకు ఈ లుక్‌ని షేర్ చేసారు. మురుగదాస్ సినిమాకు సంబంధించి మహేష్ బాబు లుక్ బయటకు రావడం ఇదే తొలిసారి కావడంతో సోషల్ ‌మీడియాలో ఫస్ట్‌లుక్ వైరల్ అవుతుంది.