మహేష్ కొత్త లుక్!

సూపర్ స్టార్ మహేష్ బాబు హీరోగా ఏఆర్ మురుగదాస్ దర్శకత్వంలో ఓ సినిమా రూపొందుతోన్న సంగతి తెలిసిందే. ఈ సినిమా రెండో షెడ్యూల్ ప్రస్తుతం హైదరాబాద్‌లో జరుగుతోంది. అయితే సినిమా షూటింగ్ మొదలైనప్పటి నుంచి ఇప్పటివరకు సినిమాకు సంబంధించి ఒక్క స్టిల్ కానీ ఫోటో కానీ బయటకు రాలేదు. ఈ సినిమాకు సంబంధించిన ఒక్క విషయం కూడా బయటకు రాకుండా చాలా జాగ్రత్త పడుతోంది చిత్రబృందం.

అయితే తాజాగా మహేష్ ఫోటో ఒకటి బయటకు వచ్చింది. గడ్డంతో అసలు ఇతను మహేషేనా..? అన్నట్లుగా ఉన్నాడు ఈ ఫోటోలో. సినిమాలో మహేష్ గెటప్పుల్లో ఇదొకటి అంటూ ఇప్పుడు ఈ ఫోటో హల్‌చల్ చేస్తోంది. ఈ చిత్రాన్ని తెలుగు, తమిళ బాషల్లో ఒకేసారి రూపొందిస్తున్నారు. నిజానికి ఈ చిత్రం షూటింగ్ పూర్తి చేసి ఏప్రిల్ నెలలో రిలీజ్ చేయాలనుకుంటున్నారు. కానీ అదే నెలలో ‘బాహుబలి 2’ రిలీజ్ ఉండడంతో మహేష్ సినిమా వెనక్కి వెళ్లే అవకాశాలు కనిపిస్తున్నాయి. ఈ సినిమాలో రకుల్ ప్రీత్ సింగ్ హీరోయిన్‌గా కనిపించనుంది.