Mahesh Babu Prabhas To Act Together Under Uv Creations Banner Says Film Analyst Imandhi Ramarao
ప్రభాస్, మహేష్ సినిమా ఫిక్స్, రాజమౌళి డైరెక్టర్: ప్రకటించేసిన పెద్దాయన
సూపర్స్టార్ మహేష్ బాబు, యంగ్ రెబెల్ స్టార్ ప్రభాస్ కలిసి సినిమా చేయబోతున్నారా? అవుననే అంటున్నాయి టాలీవుడ్ వర్గాలు. ఈ భారీ మల్టీస్టారర్ను యూవీ క్రియేషన్స్ బ్యానర్ నిర్మించనుందట. దీనిపై మరిన్ని ఆసక్తికర వివరాలు వెల్లడించారు సినీ విశ్లేషకులు ఇమంది రామారావు.
Samayam Telugu15 Feb 2020, 11:39 am
సూపర్స్టార్ మహేష్ బాబు, యంగ్ రెబెల్ స్టార్ ప్రభాస్ కలిసి సినిమా చేయబోతున్నారా? అవుననే అంటున్నాయి టాలీవుడ్ వర్గాలు. ఈ భారీ మల్టీస్టారర్ను యూవీ క్రియేషన్స్ బ్యానర్ నిర్మించనుందట. దీనిపై మరిన్ని ఆసక్తికర వివరాలు వెల్లడించారు సినీ విశ్లేషకులు ఇమంది రామారావు.
రాజమౌళితో ప్రభాస్, మహేష్ అట
ఇద్దరు పెద్ద హీరోలు కలిసి సినిమా చేయాలంటే అందుకు తగిన పవర్ఫుల్ స్క్రిప్ట్ కావాలి. పైగా వరుస షూటింగ్స్తో బిజీగా ఉన్న రాజమౌళి, ప్రభాస్, మహేష్ సినిమా అంటే అసలు ఊహించగలమా? మహేష్, ప్రభాస్లతో కలిసి సినిమా చేయడానికి అసలు రాజమౌళికి టైం ఎక్కడిది. ఈ వార్తలు ఎక్కడి నుంచో పుట్టుకు రాలేదు. ప్రముఖ సినీ విశ్లేషకులు ఇమంది రామారావుగారే ఈ భారీ మల్టీస్టారర్ని ప్రకటించేసారు.
నమ్మడానికి సమయం పడుతుంది
‘‘వీరిద్దరి కాంబినేషన్లో సినిమా రాబోతోందని ఎప్పటినుంచో వార్తలు వస్తున్నాయి. కానీ ఈ వార్తను ఫ్యాన్స్ జీర్ణించుకోవడానికి టైం పడుతుంది. ఎందుకంటే ఎక్కవ మహేష్, ఎక్కడ ప్రభాస్. వీళ్లిద్దరూ సినిమాలో చేయడం ఏంటి? అందులోనూ దర్శకధీరుడు ఎస్.ఎస్ రాజమౌళి దర్శకత్వంలో. ఇవన్నీ తెలిసాక సినిమా కచ్చితంగా వస్తే బాగుంటుందనే అనిపిస్తుంది. వీరి ముగ్గురి కాంబినేషన్ చలన చిత్ర పరిశ్రమలో మరో రికార్డ్ క్రియేట్ చేస్తుందనే చెప్పాలి. ‘బాహుబలి’, ‘సైరా’ కలెక్షన్స్ను ఈ సినిమా బీట్ చేస్తుంది’’
అనుష్క, శ్రియలు మాత్రం హీరోయిన్లు కారు
‘‘రాజమౌళి సినిమాలు ఎలా తీస్తారంటే.. ముందు ఆయన ఓ అందమైన కల కంటాడు. ఆ కలను చక్కటి కథలా మలుచుకుంటాడు. కథ విషయంలో రాజమౌళిని మించిన దర్శకుడు ఎవ్వరూ లేరు. మహేష్, ప్రభాస్ సినిమాలో హీరోయిన్గా రాజమౌళి అనుష్కను మాత్రం పెట్టడు. ఎందుకంటే అంతకుముందే అనుష్కతో బాహుబలి తీసారు. అంతేకాదు.. ఈ మల్టీస్టారర్లో రొటీన్ హీరోయిన్ని మాత్రం పెట్టరుఎందుకంటే చూసిన ముఖాలను ఆడియన్స్ ఎన్నిసార్లు చూస్తారు?’’
కథ, సంగీతం వారిద్దరి నుంచే
‘‘ఈ సినిమాకు కూడా రాజమౌళి తండ్రి విజయంద్రప్రసాదే కథ రాస్తారు. సంగీతం కూడా కచ్చితంగా కీరవాణే అందిస్తారు. రాజమౌళి, ప్రభాస్, మహేష్ కాంబినేషన్లో సినిమా రాబోతున్నందుకు నేను చాలా హ్యాపీగా ఫీలవుతున్నాను. సినిమా గొప్ప విజయం సాధిస్తుందని అనుకుంటున్నాను’’
ఊహించేసుకుని చెప్పకండి సర్
అయితే ఇమంది రామారావు ఓ మీడియా ఛానెల్కు ఇంటర్వ్యూ ఇస్తూ ఈ వ్యాఖ్యలు చేసారు. ఈ ఇంటర్వ్యూ వీడియో కింద కామెంట్స్లో ఫ్యాన్స్ నుంచి భిన్నాభిప్రాయాలు వస్తున్నాయి. అసలు మహేష్, ప్రభాస్, రాజమౌళి కాంబినేషన్లో సినిమా వస్తోందని కనీసం వారి ముగ్గురికైనా తెలుసా? ఎవరికి వారు ఊహించేసుకుని ఇష్టమొచ్చింది మాట్లాడేయకండి అంటూ ఫ్యాన్స్ ఆగ్రహం వ్యక్తం చేస్తున్నారు.
ఆల్రెడీ జక్కన్న చేతిలో భారీ మల్టీ్స్టారర్
ప్రస్తుతం రాజమౌళి RRR అనే భారీ మల్టీస్టారర్ను తెరకెక్కిస్తున్నారు. ఇందులో ఎన్టీఆర్, రామ్చరణ్ కలిసి నటిస్తున్నారు. సినిమా షూటింగ్ ఫాస్ట్గా జరిగిపోతోంది. ఆల్రెడీ ఈ భారీ మల్టీస్టారర్తో రాజమౌళి బిజీగా ఉంటే మరో భారీ మల్టీస్టారర్ గురించి ఎందుకు ఆలోచిస్తారు అని ఫ్యాన్స్ ప్రశ్నిస్తున్నారు. పైగా రూమర్స్లా కాకుండా ఏకంగా సినిమా జరగబోతోందని ప్రకటించేసారు కూడా. దీనిపై రాజమౌళి, మహేష్, ప్రభాస్ ఏమంటారో వేచి చూడాలి.
వంశీ పైడిపల్లితో మహేష్
ప్రస్తుతం ప్రభాస్ ‘జిల్’ దర్శకుడు ఎస్. రాధాకృష్ణతో కలిసి ఓ సినిమా చేస్తున్నారు. ‘రాధే శ్యామ్’ అనే టైటిల్ను అనుకుంటున్నారట. షూటింగ్ ఆస్ట్రియా, ఫ్యాన్స్లో జరుగుతోంది. పూజా హెగ్డే కథానాయికగా నటిస్తున్నారు. 1970లాంటి లవ్స్టోరీ కాన్సె్ప్ట్తో సినిమాను తెరకెక్కిస్తున్నారు.
రాధాకృష్ణతో ప్రభాస్ సినిమా
మరోపక్క మహేష్ ‘సరిలేరు నీకెవ్వరు’ బ్లాక్ బస్టర్ తర్వాత ఫ్యామిలీతో కలిసి వెకేషన్ ఎంజాయ్ చేస్తున్నారు. ఓ నెలరోజుల పాటు అమెరికాకు వెళ్లి రావాలని అనుకుంటున్నారు. అక్కడి నుంచి వచ్చాక మహేష్.. వంశీ పైడిపల్లితో కలిసి నటిస్తారు. ఈ సినిమాలో మహేష్ మరోసారి స్పై ఏజెంట్ పాత్రలో కనిపిస్తారని తెలుస్తోంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.