సర్‌ప్రైజ్ చేస్తున్న మహేష్ ‘స్పైడర్’

ప్రిన్స్ మహేష్ బాబు, మురుగదాస్ కాంబినేషన్‌లో భారీ అంచనాలతో తెరకెక్కుతోంది ‘స్పైడర్’ మూవీ. ఈ అంచనాలకు తగ్గట్లుగానే స్పైడర్ ఫస్ట్ లుక్, టీజర్స్ ఓ రేంజ్‌లో ఉండటంతో ఈ సినిమా స్థాయి ఒక్కసారిగా పెరిగిపోయింది. మురుగదాస్ డైరెక్ట్ చేస్తున్న సినిమా కావడంతో టాలీవుడ్‌లోనే కాకుండా కోలీవుడ్‌ జనాలు ఈ మూవీకోసం ఎదురు చూస్తున్నారు. తెలుగు, తమిళం మాత్రమే కాకుండా హిందీ, మళయాళం భాషల్లో సైతం ఈ సినిమా డబ్బింగ్ వెర్షన్స్‌ని విడుదల చేస్తున్నారు. అయితే మహేష్‌కి ఉన్న స్టామినాకు తగ్గట్లుగా ఈ మూవీని అరబ్ దేశాల్లో రిలీజ్ చేసేందుకు అరబిక్ లోనూ డబ్ చేస్తున్నారు.

గతంలో మహేష్ నటించిన ‘అతడు’ మూవీ పోలెండ్ దేశంలో పోలిష్ భాషలో డబ్ అయ్యి అక్కడ బిగ్ హిట్ మూవీగా నిలిచింది. ఇప్పుడు ‘స్పైడర్’అరబిక్‌ భాషలో డబ్ చేసి గల్ఫ్ దేశాల్లో తెలుగు, హిందీ వెర్షన్లతోపాటు అరబిక్‌ వెర్షన్‌లో కూడా విడుదల చేయబోతున్నారు. భారతీయ భాషలతో పాటు అరబిక్ లోనూ ఒకేసారి సెప్టెంబర్ 27న రిలీజ్ చేయనున్నారు. ఈ మూవీలో మహేష్ బాబు సరసన రకుల్ ప్రీత్ సింగ్ హీరోయిన్‌గా నటిస్తుండగా ఎస్.జే. సూర్య, భరత్ ప్రధాన పాత్రల్లో నటిస్తున్నారు. హరీశ్ జయరాజ్ సంగీతాన్ని అందిస్తున్నారు.