ఇది మహేష్ ‘మనసుకు నచ్చింది’ మరి మీకు?

టాలీవుడ్ సూపర్ స్టార్ మహేష్ బాబు సోదరి మంజుల తొలిసారి దర్శకత్వం వహించిన మూవీ ‘మనసుకు నచ్చింది’ ట్రైలర్ విడుదలైంది. సందీప్ కిష‌న్‌, అమైరా ద‌స్త‌ర్‌, త్రిధా చౌద‌రి ప్ర‌ధాన పాత్ర‌ల్లో తెరకెక్కుతున్న ఈ చిత్రం ట్రైలర్ మంగళవారం సాయంత్రం మహేష్ బాబు విడుదల చేశారు. ఈ సందర్భంగా ‘మనసుకు నచ్చింది’ మూవీ ట్రైలర్ జాయ్ రైడ్ ఆఫ్ ఎమోషన్స్. చూడటానికి చాలా బావుంది. నా సోదరికి బెస్ట్ విషెస్ తెలుపుతున్నాను’ అంటూ మహేష్ బాబు తన ట్విట్టర్ ద్వారా ఈ ట్రైలర్ విడుదల చేశారు.

#ManasukuNachindi trailer is a joyride of emotions!! Young and full of zest :) looks very promising 👍🏻 👍🏻 my best wishes to my sister @ManjulaOfficial and the entire team :)https://t.co/7fc9iowJfu — Mahesh Babu (@urstrulyMahesh) January 9, 2018
‘షో’ సినిమాతో నటిగా ఆకట్టుకున్న మంజుల దర్శకురాలిగా నిరూపించుకునేందుకు ‘మనసుకు నచ్చింది’ చిత్రాన్ని తెరకెక్కిస్తున్నారు. ఆనంది ఆర్ట్ క్రియేష‌న్స్‌, ఇందిరా ప్రొడ‌క్ష‌న్స్ బేనర్లపై మంజుల భర్త సంజయ్ స్వరూప్, జెమిని కిరణ్ ఈ చిత్రాన్ని సంయుక్తంగా నిర్మిస్తున్నారు. ట్రైలర్ ఫ్రెష్ లుక్‌తో ప్రేక్షకులను ఆకట్టుకోవడంతో త్వరలోనే ఈ మూవీని ప్రేక్షకకుల ముందుకు తీసుకురానున్నారు.