50 సెకన్ల 'స్పైడర్' టీజర్ వచ్చేస్తోంది

మహేష్ బాబు స్పైడర్ మూవీ టీజర్ విడుదలకి ముహూర్తం ఫిక్స్ అయినట్టు తెలుస్తోంది. ఏ.ఆర్. మురుగదాస్ డైరెక్షన్‌లో తెరకెక్కుతున్న ఈ సినిమాను తొలుత జూన్ 23న విడుదల చేస్తామని ప్రకటించిన యూనిట్ ఆ తర్వాత పలు కారణాలతో వాయిదా వేస్తూ వచ్చింది. ప్రస్తుతం వినిపిస్తున్న టాక్ ప్రకారం ఈ సినిమా ఆగస్టులో విడుదల కానుంది. ఇలా ఎప్పటికప్పుడు, ఏదో ఓ కారణాలతో స్పైడర్ వాయిదా పడుతూ వస్తుండటంతో మహేష్ బాబు ఫ్యాన్స్‌లోనూ కొంత అసంతృప్తి వ్యక్తమవుతోందని భావించిన మేకర్స్... ముందు జాగ్రత్త చర్యగా కనీసం టీజర్‌నైనా త్వరగా విడుదల చేద్దామని ప్లాన్ చేస్తున్నారట.

ఇండస్ట్రీ వర్గాల సమాచారం ప్రకారం మహేష్ బాబు ఫాదర్, అలనాటి సూపర్ స్టార్ కృష్ణ బర్త్ డే సందర్భంగా మే 31వ తేదీన స్పైడర్ టీజర్ రిలీజ్ కానున్నట్టు టాక్. ఇప్పటికే 50 నిమిషాల నిడివితో స్పైడర్ టీజర్ తుదిమెరుగులు దిద్దుకున్నట్టు సమాచారం.