'భరత్ అనే నేను' రిలీజ్ డేట్ ఫిక్స్ ?

ఏఆర్ మురుగదాస్ డైరెక్షన్‌లో మహేష్ బాబు, రకుల్ ప్రీత్ సింగ్ జంటగా తెరకెక్కుతున్న స్పైడర్ మూవీ షూటింగ్ ఇంకా పూర్తి కాకముందే ఆ తర్వాత కొరటాల శివ దర్శకత్వంలో సెట్స్‌పైకి వెళ్లనున్న సినిమా రిలీజ్ డేట్ విషయంలో ఓ క్లారిటీకి వచ్చింది ఆ మూవీ యూనిట్. ప్రస్తుతం ఒక పాట మినహా స్పైడర్ మూవీ షూటింగ్ అంతా పూర్తి కావస్తోంది.

స్పైడర్ షూటింగ్ పార్ట్ పూర్తయిన వెంటనే మిగతా ప్రొడక్షన్ పనులు పూర్తిచేసుకుని కొరటాల శివల సినిమా షూటింగ్‌కి హాజరు కానున్నారు మహేష్ బాబు. డీవీవీ దానయ్య నిర్మించనున్న ఈ సినిమాకు ''భరత్ అనే నేను'' అనే టైటిల్ ఖరారైన సంగతి తెలిసిందే. లేటెస్ట్ టాలీవుడ్ అప్ డేట్స్ ప్రకారం భరత్ అనే నేను సినిమాను వచ్చే ఏడాది సంక్రాంతి కానుకగా జనవరి 11న రిలీజ్ చేసే విధంగా నిర్మాత ప్లాన్ చేసుకుంటున్నట్టు తెలుస్తోంది.

గతంలో శ్రీమంతుడు సినిమాతో టాలీవుడ్‌కి బ్లాక్ బస్టర్ హిట్ ఇచ్చిన క్రేజీ కాంబినేషన్ కావడంతో 'భరత్ అనే నేను'పై ఫ్యాన్స్‌లో అప్పుడే అంచనాలు ఏర్పడుతున్నాయి.