యాప్నగరం

‘జేఎఫ్‌‌ఎఫ్‌సీ’: పవన్.. ఈ టైమ్ పాస్ రాజకీయాలెందుకు?

జనసేన అధినేత, పవర్ స్టార్ కళ్యాణ్‌పై మరోసారి ప్రశ్నల వర్షం కురిపించారు మూవీ క్రిటిక్ మహేష్ కత్తి.

TNN 12 Feb 2018, 9:40 pm
జనసేన అధినేత, పవర్ స్టార్ కళ్యాణ్‌పై మరోసారి ప్రశ్నల వర్షం కురిపించారు మూవీ క్రిటిక్ మహేష్ కత్తి. ఆంధ్రప్రదేశ్ స్పెషల్ స్టేషస్ సాధన కోసం పవన్ కళ్యాణ్ మేధావులతో కూడిన ‘జేఎఫ్‌‌ఎఫ్‌సీ’ ఏర్పాటు టైపాస్, టైంవేస్ట్ ఆపండిక అంటూ ఫైర్ అయ్యారు కత్తి మహేష్. ఈ సందర్భంగా ట్విట్టర్‌లో పలు ప్రశ్నలు సంధించారు కత్తి. ‘ఒక ప్రజా ఉద్యమం అవసరమైనప్పుడు కూడా ఇలా కాలయాపన చేస్తే చరిత్ర క్షమించదు. పవన్ కళ్యాణ్ ఇప్పుడు ఉద్యమించకపోయే ఆంధ్రప్రదేశ్ ద్రోహిగా చరిత్రలో మిగిలిపోతాడు’ అంటూ ‘జేఎఫ్‌సీ’ వ్యతిరేకంగా తన వాయిస్ వినిపించారు కత్తి మహేష్.
Samayam Telugu mahesh kathi shocking comments on pawan kalyan politics
‘జేఎఫ్‌‌ఎఫ్‌సీ’: పవన్.. ఈ టైమ్ పాస్ రాజకీయాలెందుకు?


జాయింట్ ఫాక్ట్ ఫైండింగ్ కమిటీ (JFFC) పార్టీలకి అతీతమైనదా? జనసేన పార్టీలో వేసిన సబ్ కమిటినా? కమిటీ చైర్మన్ ఎవరు? పవన్ కళ్యాణ్ ఛైర్మెన్ కాకపోతే, వచ్చే కొత్త ఛైర్మెన్ ఎవరికి చివరికి రిపోర్ట్ చేస్తారు? ప్రభుత్వం వివరాలు ఇవ్వడానికి,లెక్కలు చెప్పడానికి మీరు ఎవరు? అని అడిగితే ఏం చేస్తారు? కొత్తగా ఏర్పడిన జేఎఫ్‌సీ "మాకు చిత్తశుద్ధి తప్ప బలం లేదని అంటుంది. ఇక్కడ గమనించాల్సిందిం ఏంటంటే.. కావలసింది బలమున్నోళ్లే. ఉద్యమ తెగువున్నోళ్లు. పోరాట పటిమ ఉన్నోళ్లు. చిత్తశుద్ధి ఒక్కటి ఉంటే సరిపోని టైం ఇది. ఇక టైపాస్, టైంవేస్ట్ ఆపండి అంటూ చురకలంటించారు మహేష్ కత్తి.

అసలు పవన్ కళ్యాణ్ కి ప్రజా ఉద్యమం చేసే సత్తా ఉందా? లేదా అనేది స్పష్టం చేయడం లేదన్నారు. తెలుగుదేశం తెలుగు ప్రజల్ని మోసం చేసింది. బీజేపీ తెలుగుదేశాన్ని తెలుగు ప్రజల్ని మోసం చేసింది. ఈ మోసం జరిగిందా లేదా! ఎంతమేరకు జరిగింది? అని కనుక్కుంటామని జనసేన మళ్ళీ తెలుగు ప్రజల్ని మోసం చేస్తోంది. ఈ మోసం ఎవరికోసం? ఎందుకోసం? అంటూ జనసేనను సూటిగా ప్రశ్నిస్తున్నారు కత్తి.

ప్రత్యేక హోదా కోసం వైజాగ్, విజయవాడ బంద్ లో పాల్గొన్న నిబద్ధత నాది. జరిగిన అన్యాయం పట్ల, మోసం పట్ల ఆవేదన కలిగినవాన్ని. అది నా ఫోకస్. పవన్ కళ్యాణ్ JAC అన్నప్పుడు సపోర్ట్ చేసింది అందుకే. ఇప్పుడు JFFC అని మోసం చేస్తుంటే వ్యతిరేకిస్తోంది అందుకే. పవన్ కళ్యాణ్ ని నేను వ్యక్తిగతంగా టార్గెర్ చెయ్యను అని నిబద్ధతతో చెప్పాను. నేను దాన్ని పాటిస్తున్నాను. కానీ, పవన్ కళ్యాణ్ ఫ్యాన్స్ మళ్ళీ నా ట్విట్టర్లో, ఫేస్ బుక్ ట్యాగ్స్ లో నన్ను పర్సనల్ గా టార్గెట్ చేస్తున్నారు. వాళ్లు పరిధులు దాటితే, నేను మాట తులాల్సి వస్తుంది. జాగ్రత్త! అంటూ జనసైనికులను హెచ్చరించారు.

ఇక పవన్ కల్యాణ్ కన్నా ఆయన తరఫున మాట్లాడే వాళ్ళవల్లే అతనికి ఎక్కువ నష్టం. పార్టీ తరఫున పార్టీనే సమాధానం సరైన సమయంలో ఇస్తుంది అని జనసేన చెప్పినా, వినకుండా నోరుపారేసుకుంటే, అల్టిమేట్ డ్యామేజ్ పవన్ ఇమేజ్ కే. అంటూ ట్విట్టర్‌లో వరుస ట్వీట్లు చేస్తూ వేడిరాజేశారు కత్తి మహేష్. మరి కత్తి మహేష్ ప్రశ్నలకు ‘జేఎఫ్‌సీ’ వద్ద ఎలాంటి సమాధానం ఉందో చూడాలి.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.