నేచురల్ స్టార్ రయ్.. సూపర్ స్టార్ నై? వై బాస్

వరుస సక్సెస్‌లతో తన రేంజ్‌ను పెంచుకుంటూ నిర్మాతల హీరో అనిపించుకుంటున్నాడు నేచురల్ స్టార్ నాని. మార్కెట్‌లో కూడా తన వాల్యూ పెరగడం రెమ్యూనరేషన్ కూడా పెంచేశాడు. అయితే ఈసారి హీరో గారు ఏకంగా మహేష్ బాబుతో పోటీ పడడానికి రంగంలోకి దిగుతున్నారు.

మహేష్ నటిస్తోన్న 'స్పైడర్' సినిమా అలానే నాని నటిస్తోన్న 'నిన్ను కోరి' చిత్రాలు ఇప్పుడు ఒకేరోజు రావడానికి రెడీ అవుతున్నాయి. మురుగదాస్ దర్శకత్వంలో రూపొందుతోన్న స్పైడర్ ప్రస్తుతం షూటింగ్ జరుపుకుంటోంది. ఈ సినిమాను జూన్ 23న విడుదల చేస్తామని మురుగదాస్ ఎప్పటినుండో చెప్తూ వస్తున్నాడు.

తాజాగా నాని నటించిన నిన్నుకోరి సినిమా కూడా అదే డేట్ లాక్ చేసింది. నిజానికి స్పైడర్ షూటింగ్ చాలా లేట్ అవుతుందని, పోస్ట్ ప్రొడక్షన్ కార్యక్రమాలకు మరింత సమయం పడుతుందని కాబట్టి అనుకున్న డేట్‌కు సినిమా వచ్చే అవకాశాలు తక్కువగా ఉన్నాయని ప్రచారం జరుగుతోంది.

ఇప్పుడేమో నాని కూడా జూన్ 23న రావడానికి రెడీ అవుతున్నాడు. దీంతో మహేష్ సినిమాపై అనుమానాలు పెరుగుతున్నాయి. కానీ అనుకున్న సమయానికి రెండు సినిమాలు గనుక వస్తే మరో రసవత్తరమైన పోటీను తిలకించవచ్చు.