2.0 మేకింగ్ వీడియో.. మరో విజువల్ వండర్

తమిళ సూపర్ స్టార్ రజినీకాంత్, డైరెక్టర్ శంకర్ ఫ్యాన్స్‌కి గుడ్ న్యూస్. ఈరోజు వినాయక చవితి పర్వదినాన్ని పురస్కరించుకుని అభిమానులకి చవితి కానుకగా సూపర్ స్టార్ అప్‌కమింగ్ మూవీ 2.0 సినిమాకి సంబంధించిన మేకింగ్ వీడియో అభిమానుల ముందుకొచ్చేసింది. ఇప్పటివరకు తెరకెక్కిన పలు ఆసక్తికరమైన సన్నివేశాలకి సంబంధించిన మేకింగ్ షాట్స్‌ని ఒక్క చోట పొందుపర్చుతూ 1 నిమిషం 47 సెకన్ల నిడివిగల వీడియోను రిలీజ్ చేశారు 2.0 మేకర్స్. డైరెక్టర్ శంకర్ తన ట్విటర్ హ్యాండిల్ ద్వారా రిలీజ్ చేసిన ఈ వీడియో ఇప్పుడు ఇంటర్నెట్‌లో హల్‌చల్ చేస్తోంది. ఈరోజు సాయంత్రం 6 గంటలకి ఈ వీడియో మీ ముందుంటుంది అని నిన్న ప్రకటించినట్టుగానే సరిగ్గా సాయంత్రం 6 గంటలకి ఈ మేకింగ్ వీడియోను ట్విటర్‌లో పోస్ట్ చేశాడు శంకర్.
Making of #2Point0 https://t.co/hb3lC5q3B5— Shankar Shanmugham (@shankarshanmugh) August 25, 2017
రోబో సినిమాలాగే శంకర్ డైరెక్ట్ చేస్తోన్న మరో విజువల్ వండర్ ఈ 2.0 సినిమా అని ఈ మేకింగ్ వీడియో చూస్తే అర్థమవుతోంది. దాదాపు రూ.350 కోట్ల బడ్జెట్‌తో లైకా ప్రొడక్షన్స్ నిర్మిస్తున్న ఈ సినిమా రోబో మూవీకి సీక్వెల్‌గా వస్తోంది. అక్షయ్ కుమార్ తొలిసారిగా దక్షిణాది నుంచి తెరకెక్కుతున్న చిత్రంలో విలన్‌గా నటిస్తున్నాడు. సూపర్ స్టార్ సరసన అమీ జాక్సన్ జంటగా నటిస్తోంది.