రూ.10 కోట్లు అడిగిన మలైకా?

బాలీవుడ్ హాట్ జంటల్లో ఒకటైన అర్భాజ్ ఖాన్- మలైకా అరోరాల కథ కంచికి చేరినట్టే కనిపిస్తోంది. వారిద్దరూ ఏడాది క్రితమే విడిపోవడానికి నిర్ణయించుకుని విడాకుల కోసం కోర్టును ఆశ్రయించారు. పరస్పర అంగీకారంతో వారిద్దరూ విడిపోవాలని కూడా నిర్ణయించుకున్నారు. ఈ నేపథ్యంలో వీరిద్దరూ కౌన్సిలింగ్‌కు హాజరయ్యారు. కాగా మలైకా సెటిల్మెంట్ కోసం రూ.10 కోట్ల నుంచి రూ.15 కోట్ల వరకు అడిగినట్టు తెలుస్తోంది. అర్భాజ్ కూడా అడిగినంత ఇవ్వడానికి సిద్ధంగా ఉన్నాడు. వీరు వివాహ బంధానికి కొన్ని రోజుల్లోనే అధికారికంగా చరమ గీతం పాడనున్నారు. సల్మాన్ ఖాన్ కుటుంబం వారిద్దరినీ ఎలాగైనా కలిసి జీవించేలా చేయడానికి విశ్వ ప్రయత్నాలు చేసినప్పటికీ అన్నీ విఫలమయ్యాయి.