సినీ ఇండస్ట్రీలో విషాదం.. ఇంట్లోనే ఉరి వేసుకున్న ఫేమస్ యాక్టర్

గత కొంతకాలంగా సినీ ఇండస్ట్రీని వరుస విషాదాలు వెంటాడుతున్నాయి. రీసెంట్‌గా ప్రముఖ హిందీ బుల్లితెర నటుడు సిద్ధార్ధ్ శుక్లా మరణం తాలూకు జ్ఞాపకాల నుంచి తేరుకోకముందే మలయాళ ఇండస్ట్రీ నుంచి మరో విషాదం వినాల్సి వచ్చింది. పలు సినిమాలు, సీరియల్స్‌తో ఫేమస్ అయిన మలయాళ నటుడు రమేష్ వలీయశాల (54) అనుమానాస్పద స్థితిలో మరణించారు.

సెప్టెంబర్ 11 ఉదయం 10 గంటల సమయంలో తిరువనంతపురంలోని తన నివాసంలో ఆయన ఉరి వేసుకుని మరణించినట్లు తెలిసింది. పోలీసుల ప్రాథమిక విచారణలో ఇది ఆత్మహత్య అని వెల్లడైంది. అయితే మంచి భవిష్యత్ ఉన్న నటుడు ఇలా అర్థాంతరంగా తనువు చాలించడం పట్ల పలు అనుమానాలు వ్యక్తమవుతున్నాయి. ఈ ఘటన తాలూకు విషయాలు తెలిసి ఆయన అభిమానులు షాక్‌ అయ్యారు. రమేష్ మరణాన్ని అసహజ మరణం కింద కేసు నమోదు చేసి పోలీసులు దర్యాప్తు చేస్తున్నారు.
సాయి తేజ్ యాక్సిడెంట్ ఇష్యూ: ఎప్పుడేం మాట్లాడాలో నేర్చుకోండి!! నరేష్‌పై బండ్ల గణేష్ షాకింగ్ కామెంట్స్
గత 22 సంవత్సరాలుగా సీరియల్ ఇండస్ట్రీలో పని చేస్తున్న రమేష్.. పలు సినిమాల్లో కూడా నటించి వెండితెర, బుల్లితెర ప్రేక్షకులకు దగ్గరయ్యారు. ఆయన మరణవార్త తెలిసి పలువురు దర్శక నిర్మాతలు, నటీనటులు సోషల్ మీడియా వేదికగా సంతాపం వ్యక్తం చేస్తున్నారు.