అర్ధరాత్రి గోడదూకిన అపరిచితుడు.. నటి గౌతమి ఇంట్లో కలకలం

సీనియర్ నటి గౌతమి ఇంట్లో ఓ దుండగుడు చొరబడటం కలకలం రేపింది. గౌతమి చెన్నైలోని కొట్టివక్కమ్‌ ప్రాంతంలో నివసిస్తున్నారు. సోమవారం రాత్రి ఆమె ఇంట్లోకి ఓ వ్యక్తి ప్రవేశించాడు. ఓ గోడ పక్కన దాక్కుని ఉన్న అతడిని అదే ఇంట్లో పనిచేసే సతీష్ అనే వ్యక్తి గమనించి వెంటనే పోలీసులకు సమాచారం ఇచ్చాడు. దీంతో నీలంకరై పోలీసులు వెంటనే అక్కడికి చేరుకుని అనుమానితుడిని అరెస్ట్ చేశారు.

Also Read: బోల్డ్ కంటెంట్ ప్లస్ మెసేజ్.... కమిట్‌మెంట్ టీజర్

అతడిని స్టేషన్‌కు తీసుకెళ్లిన పోలీసులు విచారించగా అనేక విషయాలు వెల్లడించాడు. అతడిని కొట్టివాక్కం కుప్పం ప్రాంతానికి చెందిన పాండియన్‌గా గుర్తించారు. అతడు మద్యం మత్తులో ఉన్నాడని, అనుమతి లేకుండా ఇంట్లోకి ప్రవేశించడంతో పాటు గలాటా చేసినందుకు పలు సెక్షన్ల కింద కేసు నమోదు చేశారు. అనంతరం పాండియన్‌ను బెయిల్‌పై విడుదల చేశారు. అయితే గౌతమి ఇంట్లో పనిచేస్తున్న తన సోదరుడిని కలిసేందుకే పాండియన్‌ అక్కడికి వెళ్లినట్లు తెలుస్తోంది.

Also Read: వయసు పెరుగుతున్నా వన్నె తగ్గని లేడీ సూపర్‌స్టార్.. హ్యాపీ బర్త్‌డే నయన్