Manchu Manoj: విష్ణుతో వైరల్ ఫైట్ తర్వాత మంచు మనోజ్ ట్వీట్.. మరో విషాదానికి స్పందిస్తూ..

తెలుగు ఇండస్ట్రీలో మంచు మోహన్ బాబు (Mohan Babu) అంటేనే క్రమశిక్షణకు మారు పేరు. అది పాటించకుంటే ఎంత పెద్దవారినైనా నిలదీయడం ఆయన స్టైల్. కానీ ఈ మధ్య ఆయన కొంచెం తగ్గారు. కాంట్రవర్సీలకు దూరంగా ఉంటున్నారు. రీసెంట్ బర్త్‌డే సందర్భంగా ఇచ్చిన ఇంటర్వ్యూల్లోనూ ఇదే స్పష్టమైంది. అయితే, మోహన్ బాబులోని ఆవేశం ఇప్పుడు మంచు విష్ణులో (Manchu Vishnu) కనిపిస్తోంది. ‘మా’ ఎలక్షన్స్‌ సందర్భంగా ప్రెస్ మీట్స్‌లోనే విష్ణు ఆవేశంతో ఊగిపోగా.. ఇప్పుడు తమ్ముడు మనోజ్‌తో (Manoj) గొడవకు సంబంధించిన వీడియో వైరల్ అయింది. వెంటనే మోహన్ బాబు జోక్యం చేసుకుని మనోజ్‌తో సదరు వీడియో డిలీట్ చేయించినట్లు తెలుస్తోంది. దీంతో మంచు ఫ్యామిలీలో చెలరేగిన తుఫాన్ సద్దుమణిగింది. అయితే ఈ ఇష్యూ తర్వాత మంచు మనోజ్ చేసిన ట్వీట్ (Tweet) మాత్రం నెటిజన్ల దృష్ణిని ఆకర్షించింది.సోదరుడు మంచు విష్ణుతో ఫైట్ వైరల్ అయిన తర్వాత మనోజ్ ట్విట్టర్‌లో ఒక పోస్టు పెట్టాడు. కోలీవుడ్ స్టార్ హీరో అజిత్ కుమార్ (Ajith Kumar) తండ్రి పీ సుబ్రమణ్యం మణి మరణించడంతో సంతాపం తెలియజేస్తూ.. ‘#PSMani గారు మరణించారని తెలిసి బాధగా ఉంది. ఆయన ఆత్మకు శాంతి చేకూరాలని కోరుకుంటున్నాను. ఈ దుఃఖ సమయంలో #అజిత్‌ గారికి, వారి మొత్తం కుటుంబానికి నా ప్రగాఢ సానుభూతి తెలియజేస్తున్నాను’ అని ట్వీట్ చేశారు.

ఇదిలా ఉంటే, సహజంగానే మంచు మనోజ్ ఇండస్ట్రీ వ్యక్తులందరితో కలుపుగోలుగా ఉంటారు. ఎవరికి ఏ అవసరమొచ్చినా సాయం చేసేందుకు ముందుకొస్తారు. తన క్లోజ్ ఫ్రెండ్ జూనియర్ ఎన్టీఆర్ తండ్రి హరికృష్ణ చనిపోయినపుడు కూడా మనోజ్.. ఒక బౌన్సర్ మాదిరి తారక్ పక్కన నిలబడ్డ తీరు అందరికీ తెలిసిందే. అలాగే సొసైటీలో జరిగే అన్యాయాలపై ధైర్యంగా తన అభిప్రాయాలను వ్యక్తపరుస్తుంటాడు మనోజ్. అయితే, పర్సనల్ లైఫ్‌లో చోట చేసుకున్న డిస్టర్బెన్స్ కారణంగా ఇన్నాళ్లూ సినిమాలకు దూరమైన మనోజ్.. ఇటీవలే భూమా మౌనికా రెడ్డిని రెండో పెళ్లి చేసుకున్న విషయం తెలిసిందే. అంతేకాదు తన రీసెంట్ స్పీచ్‌లో.. చీకట్లో ఉన్న తనకు వెలుగునిచ్చింది తనేనంటూ ఎమోషనల్ అయ్యాడు మనోజ్.
Manchu Brothers Fight: మంచు బ్రదర్స్ గొడవకు ఆస్తులే కారణం.. ఎప్పుడో పంచేసిన మోహన్ బాబు!
సినిమాల విషయానికొస్తే.. ‘వాట్ ది ఫిష్’ (What The Fish) పేరుతో ఆరేళ్ల బ్రేక్ తర్వాత ఈ ఏడాది ప్రారంభంలో కొత్త సినిమా అనౌన్స్ చేశాదు మనోజ్. ఈ చిత్రానికి వరుణ్ దర్శకత్వం వహించనున్నాడు. కాగా ఈ ప్రాజెక్ట్ అనౌన్స్‌మెంట్ సందర్భంగా విడుదల చేసిన పోస్టర్ పోస్టర్‌ అభిమానుల్లో సినిమాపై క్యూరియాసిటీ కలిగించింది. ఇందులో మనోజ్ సరికొత్త గెటప్‌లో కనిపించనుండగా.. ‘మనం మనం బరంపురం’ అనే ట్యాగ్ లైన్ కూడా ప్రేక్షకులను ఆకర్షించింది.

• Read latest Tollywood updates and Telugu News