Vishnu Manchu: జిన్నా మూవీ టీజర్.. 'వీడేంది రా మనల్ని దొబ్బుతున్నాడు..'

డైనమిక్ స్టార్ విష్ణు మంచు (Vishnu Manchu) హీరోగా నటించిన లేటెస్ట్ మూవీ జిన్నా (Ginna). పాయల్ రాజ్‌పుత్ (Payal Rajput), సన్నీ లియోన్ (Sunny Leone) హీరోయిన్స్‌గా యాక్ట్ చేస్తున్నారు. ఈ సినిమా ద్వారా సూర్య డైరెక్టర్‌గా పరిచయం అవుతున్నాడు. ఈ చిత్రానికి ప్రముఖ రైటర్ కోన వెంకట్ కథ, స్క్రీన్‌ప్లే అందించారు. అవా ఎంటర్‌టైన్‌మెంట్‌, 24 ఫ్రేమ్స్ ఫ్యాక్టరీ సంయుక్తంగా నిర్మిస్తున్నాయి. తెలుగుతో పాటు తమిళం, మలయాళం, హిందీ భాషల్లో 'జిన్నా' సినిమా రిలీజ్ కానుంది. అనూప్ రూబెన్స్ మ్యూజిక్ అందివ్వగా.. ఛోటా కె నాయుడు సినిమాటోగ్రాఫర్‌గా వర్క్ చేస్తున్నారు.

తాజాగా జిన్నా సినిమాను టీజర్‌ను లాంచ్ చేశారు మూవీ మేకర్స్. ఇందులో టెంట్ హౌస్ నిర్వహించే యువకుడి పాత్రలో విష్ణు మంచు నటిస్తున్నట్లు తెలుస్తోంది. 'వీడేందిరా మనల్ని దొబ్బుతున్నాడు..' అంటూ విష్ణు మరోసారి తన కామెడీ యాంగిల్ బయటపెట్టాడు. రఘుబాబు, చమ్మక్ చంద్ర తమ యాక్టింగ్‌తో నవ్వించారు. అక్టోబర్ నెలలో మూవీని రిలీజ్ చేస్తున్నట్లు టీజర్‌లో ప్రకటించారు.

విష్ణు మంచు ఖాతాలో హిట్ చేరి చాలా కాలమైంది. ఈ నేపథ్యంలోనే జిన్నా మూవీ ద్వారా ఆడియన్స్‌ను అలరించేందుకు సిద్ధమయ్యాడు. టీజర్‌ చూస్తుంటే కామెడీ థ్రిల్లర్ ఎంటర్‌టైనర్‌గా తెరకెక్కించినట్లు అర్థమవుతోంది. ఊరి నిండా అప్పులు చేసి.. టెంట్ హౌస్ నడుపుకునే యువకుడి పాత్రలో విష్ణు మంచు ఒదిగిపోయినట్లు తెలుస్తోంది. ఈ మూవీ ద్వారా అయినా విష్ణు కమ్‌బ్యాక్ ఇస్తారో లేదో చూడాలి మరి.