బ్రిటన్ ను విడగొట్టింది నేనే: మంచు విష్ణు

యూరోపియన్ యూనియన్ తో దాదాపు నాలుగు దశాబ్దాలుగా సమైక్యంగా ఉన్న బ్రిటన్ ఇప్పుడు విడిపోయింది. బ్రిటన్ ఎగ్జిట్ (బ్రెగ్జిట్) పరిణామాలతో ప్రపంచ మార్కెట్లన్నీ అల్లకల్లోలం అయ్యాయి. యూరోప్ పౌండ్ విలువ భారీగా పతనమైంది. ప్రపంచ ఆర్థిక వ్యవస్థనే కుదిపేస్తున్న ఈ పరిణామాలన్నింటికీ కారణం ఎవరో తెలుసా? ఇంకెవరూ... మన మంచు మోహన్ బాబు పెద్ద కుమారుడు మంచు విష్ణు. మీరు నమ్మినా.. నమ్మక పోయినా ఇది పచ్చి నిజం. ఈ విషయం ఎవరో చెప్తున్నది కాదు. స్వయాన మంచు విష్ణునే చెప్తున్నారు. 'నేను ఈనెల 22వ తేదీన లండన్ వచ్చాను, ఇప్పుడు బ్రిటన్ విడిపోయింది నా మిషన్ కంప్లీట్ అయిపోయింది. ఇప్పుడు జేమ్స్ బాండ్ 007 ఏం చేస్తాడు?' అని విష్ణు ఫన్నీగా ట్వీట్ చేశారు. కొద్ది రోజులుగా మంచు విష్ణు తన ఫ్యామిలీతో కలిసి లండన్ లో హాలీడే ట్రిప్ ను ఎంజాయ్ చేస్తున్నారు.

Came to London on 22nd. Leaving now, after bringing Britain out of EU & crashing the Pound. Mission accomplished. Now whatcha gonna do 007? — Vishnu Manchu (@iVishnuManchu) June 24, 2016