స్టార్ హీరోతో మణిరత్నం మూవీ?

దక్షిణాది అగ్ర దర్శకుల్లో ఒకరైన మణిరత్నంతో కలిసి పని చేయడానికి చాలా మంది హీరోలు ఆసక్తి చూపుతుంటారు. ఆయన సినిమాలో నటించడం చాలా మందికి ఓ కల. అయితే ఒక్కప్పటితో పోలిస్తే ఇప్పుడు ఆయన క్రేజ్ తగ్గిందనే చెప్పాలి. రీసెంట్‌గా ఆయన తెరకెక్కించిన 'చెలియా' సినిమా కూడా దెబ్బ కొట్టింది. దీంతో రామ్ చరణ్‌తో చేయాల్సిన సినిమా కాస్త వెనక్కి వెళ్లిపోయింది. ఈ నేపథ్యంలో ఆయన బాలీవుడ్‌లో ఓ సినిమా చేస్తారని అన్నారు. కానీ ఇప్పుడు మణిరత్నం దృష్టి ఓ యంగ్ హీరో మీద పడింది.

కోలీవుడ్‌లో విలక్షణమైన చిత్రాల్లో నటిస్తూ.. తనకంటూ ప్రత్యేకమైన గుర్తింపును పొందాడు హీరో విజయ్ సేతుపతి. మణిరత్నం లాంటి దర్శకుడితో కలిసి విజయ్ సేతుపతి పని చేస్తుండడం విశేషమనే చెప్పాలి. ఈ ప్రాజెక్ట్‌కు సంబంధించిన మరిన్ని వివరాలు త్వరలోనే వెల్లడిస్తామని విజయ్ సేతుపతి ట్వీట్ చేశారు. దీంతో ఇప్పుడు కోలీవుడ్‌లో ఈ ప్రాజెక్ట్‌పై ఆసక్తికర చర్చ జరుగుతోంది. సోషల్ మీడియాలో కూడా ఈ విషయంపై డిస్కషన్స్ జరుగుతున్నాయి. లెజండరీ సినిమాటోగ్రాఫర్ సంతోష్ శివన్, ఏఆర్ రెహ్మాన్ వంటి టాప్ టెక్నీషియన్స్ ఈ సినిమాకు పని చేయనున్నారు. మణిరత్నం స్వయంగా ఈ సినిమాను నిర్మిస్తుండడం విశేషం.