​ఎక్స్‌పోజింగ్‌కు నో అన్న హీరోయిన్.. ప్రేమలో?

తను ఎక్స్‌పోజింగ్ కు దూరం అని, లిప్‌కిస్ సీన్లు గట్రా చేయనని.. అలాంటివి తనను అడగొద్దని.. బాహాటంగా చెప్పిన నటి మంజిమా మోహన్. గౌతమ్ మీనన్ తెలుగు తెరకు పరిచయం చేసిన ఈ హీరోయిన్ కు ఆ తర్వాత మరే తెలుగు సినిమాలోనూ ఛాన్స్ రాలేదు కానీ, తమిళంలో మాత్రం బాగానే అవకాశాలు లభిస్తున్నాయి. ప్రస్తుతం ఉదయనిధి స్టాలిన్ హీరోగా నటిస్తున్న ఒక సినిమాలో మంజిమా హీరోయిన్‌గా నటిస్తోంది.

మరి ఇదే సమయంలో ఆసక్తికరమైన అంశం ఒకటి ప్రచారంలోకి వచ్చింది. అదేమనగా.. మంజిమా ప్రేమలో పడిందనేది! ఇంకా హీరోయిన్‌గా నిలదొక్కుకునే ప్రయత్నంలోనే ఉన్న ఈ భామ ప్రేమలో పడిందట. అది కూడా ఒక నటుడితోనే కావడం గమనార్హం. అతడు పెద్దగా గుర్తింపు ఉన్న వాడు కాదు. ‘రఘువరన్ బీటెక్’ సినిమాలో ధనుష్ తమ్ముడిగా నటించాడే.. ఆ కుర్రాడితో ఈ భామ రొమాన్స్ చేస్తోందని సమాచారం.

వీరిద్దరూ పీకల్లోతు ప్రేమలో మునిగారని, అడపాదడపా బయట కలుస్తున్నారని తమిళ మీడియా కోడై కూస్తోంది. మరి మంజిమా ఇలాంటి లవ్ స్టోరీని నడిపిస్తుందని ఎవ్వరూ అనుకోలేదు. మరి ఇప్పటికే ఈ ప్రచారం ఊపందుకున్నప్పటికీ మంజిమా స్పందించ లేదు. అన్ని విషయాల గురించి ఓపెన్‌గానే మాట్లాడే ఈ భామ.. ప్రేమ విషయం మాత్రం మాట్లాడలేదింకా!