Vishwak Sen: త్రివిక్రమ్ బ్యానర్‌లో మాస్ కా దాస్.. గ్రే క్యారెక్టర్‌లో కొత్త సినిమా!

టాలీవుడ్ యంగ్ హీరో విశ్వక్ సేన్ (Vishwak Sen) ‘దాస్ కా ధమ్కీ’ (Das Ka Dhamki) మూవీతో బాక్సాఫీస్ వద్ద కెరీర్‌లోనే హయ్యెస్ట్ ఓపెనింగ్స్ సాధించాడు. తనే నిర్మాతగా, నటిస్తూ దర్శకత్వం వహించిన ఈ సినిమాలో నివేతా పేతురాజ్ ఫిమేల్ లీడ్‌గా నటించింది. ఇక వీళ్లిద్దరి కాంబినేషన్‌లో ఇది రెండో సినిమా కాగా.. ఈ జోడీకి మంచి మార్కులే పడ్డాయి. ఈ నేపథ్యంలోనే ‘ధమ్కీ’ మూవీ తెలుగు రాష్ట్రాలతో పాటు ఓవర్సీస్‌లోనూ డీసెంట్ కలెక్షన్స్ రాబడుతోంది. ఇదిలా ఉంటే, ఈ రోజు విశ్వక్ బర్త్‌డే సందర్భంగా తన నెక్స్ట్ మూవీ అనౌన్స్‌మెంట్ వచ్చేసింది. #VS11 వర్కింగ్ టైటిల్‌తో తెరకెక్కనున్న చిత్రానికి కృష్ణ చైతన్య (Krishna Chaitanya) దర్శకత్వం వహించనున్నాడు. లిరిసిస్ట్‌గా అద్భుతమైన పాటలు రాయడమే కాక ‘రౌడీఫెలో, ఛల్ మోహన రంగ’ చిత్రాలకు దర్శకత్వం వహించిన కృష్ణ చైతన్య.. డైరెక్టర్‌గా తన మూడో సినిమాను విశ్వక్ సేన్‌తో చేయబోతున్నాడు. ఈ చిత్రంలో విశ్వక్ పాత్ర మనుపెన్నడూ కనిపించనంత మాస్ యాంగిల్‌లో ఉంటుందని, ఇదొక గ్రే క్యారెక్టర్‌ అని కూడా మేకర్స్ సితార ఎంటర్‌టైన్మెంట్స్ (Sithara Entertainments) అధికారికంగా ప్రకటించింది. హీరోయిన్‌, ఇతర నటీనటులతో పాటు సిబ్బంది వివరాలు త్వరలోనే వెల్లడికానున్నాయి.
Kangana Ranaut: ప్రియాంక చోప్రాను కరణ్ వేధించి వెళ్లగొట్టాడు.. షారుఖ్‌తో ఫ్రెండ్‌షిప్ వల్లే: కంగన
ఇదిలా ఉంటే, సితార ఎంటర్‌టైన్‌మెంట్స్‌తో పాటు త్రివిక్రమ్ (Trivikram) హోమ్ బ్యానర్ ఫార్చూన్ ఫోర్ ఎంటర్‌టైన్‌మెంట్స్ (Fortune Four Entertainments) పతాకంపై నాగ వంశీ, సాయి సౌజన్య (Sai Soujanya) ఈ సినిమాను సంయుక్తంగా నిర్మిస్తున్నారు. కోలీవుడ్ స్టార్ కంపోజర్ యువన్ శంకర్ రాజా మ్యూజిక్ అందిస్తున్న ఈ చిత్ర షూటింగ్ త్వరలోనే రాజమండ్రిలో ప్రారంభం కానుంది.

ఇక ఈ చిత్రంలో విశ్వక్ సేన్ క్యారెక్టర్ చాలా కొత్తగా ఉండనున్నట్లు తెలుస్తోంది. కాలక్రమేణా నిరుద్యోగం, పేదరికం, సాఫ్ట్‌వేర్ బూమ్, మాంద్యం వంటి అనేక దశల్లో వేర్వేరు వ్యక్తులు తమ సొంత మార్గంలో జీవించేందుకు ప్రయత్నించారు. ఈ క్రమంలోనే దుష్ట ప్రపంచాన్ని ఎదుర్కొనేందుకు కొందరు నిర్దాక్షిణ్యంగా మారారు. ప్రస్తుత చిత్రంలో విశ్వక్ సేన్ పాత్ర కూడా అలాగే ఉండనుంది. కాగా.. విశ్వక్ సేన్ సైతం ఈ సబ్జెక్ట్‌తో పాటు తన క్యారెక్టర్ గురించి థ్రిల్ అయ్యాడని ఇండస్ట్రీ వర్గాలు చెబుతున్నాయి.

• Read latest Tollywood updates and Telugu News