Mass Maharaja Ravi Teja's Disco Raja Teaser Released
‘డిస్కోరాజా’ టీజర్: స్టైలిష్గా రవితేజ.. ఇది మరో మెడికల్ క్రైం థ్రిల్లర్!
మాస్ మహారాజ రవితేజ హీరోగా వస్తోన్న లేటెస్ట్ మూవీ ‘డిస్కోరాజా’. ఇటీవలే షూటింగ్ పూర్తిచేసుకున్న ఈ సినిమా బృందం ప్రస్తుతం పోస్ట్ ప్రొడక్షన్ కార్యక్రమాల్లో బిజీగా ఉంది. డైనమిక్ డైరెక్టర్ విఐ ఆనంద్ దర్శకత్వంలో రెడీ అవుతున్న ఈ సినిమా సైన్స్ ఫిక్షన్ జోనర్లో ఉంటుందని చిత్ర బృందం చెబుతుంది. అయితే, ఇప్పటి వరకు ఈ సినిమాకు సంబంధించి పోస్టర్లు తప్ప వేరే అప్డేట్ లేదు. రవితేజ అభిమానులు సైతం అప్డేట్ కోసం ఆసక్తిగా ఎదురుచూస్తున్నారు. మొత్తానికి ఈ చిత్ర టీజర్ను శుక్రవారం విడుదల చేశారు.
Samayam Telugu6 Dec 2019, 5:59 pm
మాస్ మహారాజ రవితేజ హీరోగా వస్తోన్న లేటెస్ట్ మూవీ ‘డిస్కోరాజా’. ఇటీవలే షూటింగ్ పూర్తిచేసుకున్న ఈ సినిమా బృందం ప్రస్తుతం పోస్ట్ ప్రొడక్షన్ కార్యక్రమాల్లో బిజీగా ఉంది. డైనమిక్ డైరెక్టర్ విఐ ఆనంద్ దర్శకత్వంలో రెడీ అవుతున్న ఈ సినిమా సైన్స్ ఫిక్షన్ జోనర్లో ఉంటుందని చిత్ర బృందం చెబుతుంది. అయితే, ఇప్పటి వరకు ఈ సినిమాకు సంబంధించి పోస్టర్లు తప్ప వేరే అప్డేట్ లేదు. రవితేజ అభిమానులు సైతం అప్డేట్ కోసం ఆసక్తిగా ఎదురుచూస్తున్నారు. మొత్తానికి ఈ చిత్ర టీజర్ను శుక్రవారం విడుదల చేశారు.
మాస్ రాజా స్టైలిష్గా..
టీజర్ చూస్తుంటే సినిమా చాలా స్టైలిష్గా ఉంటుందని అర్థమవుతోంది. టీజర్లో అయితే రవితేజ చాలా స్టైలిష్గా కనిపించారు. అంతేకాదు.. ఆయన పరిచయం కూడా ఘాటైన ఇంగ్లిష్ డైలాగుతో జరిగింది. ఈ సినిమా మెడికల్ క్రైం చుట్టూ తిరుగుతుందని టీజర్ స్పష్టం చేస్తోంది. అలాగే, టీజర్లో సన్నివేశాలు చూస్తుంటే సినిమాకు బాగా ఖర్చుపెట్టారని కూడా అర్థమవుతోంది.
హాలీవుడ్ నిపుణుల పర్యవేక్షణలో..
టీజర్లో కొన్ని లొకేషన్స్ చాలా బాగున్నాయి. వీటి గురించి దర్శకుడు వీఐ ఆనంద్ స్పందించారు. ఎంతో శ్రమతో, హాలీవుడ్ నిపుణల పర్యవేక్షణలో ఐస్లాండ్ తదితర ప్రాంతాల్లో తీసిన విజువల్స్తో టీజర్ రూపొందించామని ఆయన చెప్పారు. అలానే అన్నపూర్ణ స్టూడియోలో వేసిన ల్యాబ్ సెట్లో తీసిన షాట్స్ కూడా టీజర్లో వాడినట్లు ఆనంద్ వెల్లడించారు.
రవితేజ డైలాగ్ వైరల్ అవ్వడం ఖాయం
మాస్ మహారాజా రవితేజ ఫ్యాన్స్ కోరుకునే విధంగా యాక్షన్ షాట్స్ను డిజైన్ చేశామని దర్శకుడు చెప్పారు. రవితేజ రిట్రో గెటప్పై షూట్ చేసిన యాక్షన్ షాట్స్ను టీజర్లో పొందుపరిచామని, ఇవి ఫ్యాన్స్ను కచ్చితంగా ఆకట్టుకుంటాయని అన్నారు. టీజర్ స్టార్టింగ్లో రవితేజ చెప్పిన డైలాగ్ వైరల్ అవ్వడం ఖాయం అని నిర్మాత రామ్ తాళ్లూరి చెప్పారు. రవితేజ ఫ్యాన్స్తో పాటు అన్ని వర్గాల ఆడియన్స్కి నచ్చే విధంగా ‘డిస్కోరాజా’ని సిద్ధం చేస్తున్నామన్నారు.
సంక్రాంతి తరవాతే..
‘డిస్కోరాజా’ మూవీని జనవరి 24న భారీ స్థాయిలో విడుదల చేయడానికి సన్నాహాలు చేస్తున్నట్లు రామ్ తళ్లూరి చెప్పారు. కాగా, ఈ సినిమాలో రవితేజ సరసన పాయల్ రాజ్పుత్, నభా నటేష్ హీరోయిన్లుగా నటించారు. తాన్యా హోప్, బాబీసింహా, వెన్నెల కిషోర్, సత్య తదితరులు ఇతర పాత్రలు పోషించారు. సాయి రిషిక సమర్పణలో ఎస్ఆర్టీ ఎంటర్టైన్మెంట్స్ బ్యానర్పై రజిని తాళ్లూరి నిర్మించారు. ఎస్.ఎస్. తమన్ సంగీతం సమకూరుస్తోన్న ఈ చిత్రానికి కార్తీక్ ఘట్టమనేని సినిమాటోగ్రఫీ అందించారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.