మాస్‌రాజా ‘నేల టిక్కెట్’ మొదలెట్టేశాడు!

మాస్ రాజా రవితేజ-కళ్యాణ్ కృష్ణ కాంబినేషన్‌లో తెరకెక్కుతున్న ‘నేల టిక్కెట్’(ప్రచార టైటిల్) శుక్రవారం హైదరాబాద్‌లో షూటింగ్ ప్రారంభమైంది. ‘రాజా ది గ్రేట్’ మూవీతో సక్సెస్ అందుకున్న మాస్ రాజా రవితేజ.. ‘టచ్ చేసి చూడు’ అంటూ ప్రేక్షకుల ముందుకు వచ్చేందుకు రెడీ అవుతున్నారు. ఈ సినిమా షూటింగ్ ఫైనల్ దశలో ఉండగానే కళ్యాణ్ క్రిష్ణ దర్శకత్వంలో మరో సినిమాను లైన్‌లో పెట్టేశాడు రవితేజ. ఈ సందర్భంగా తన కొత్త చిత్ర షూటింగ్ ప్రారంభమైనట్లు హీరో రవితేజ ట్వీట్ చేస్తూ చిత్ర యూనిట్‌తో కలిసిదిగిన ఫోటోను షేర్ చేశారు.

జనవరి 5న(ఈరోజు) షూటింగ్ ప్రారంభమైన ఈ సినిమాకు ‘నేల టికెట్’ అనే పక్కా మాస్ టైటిల్ ఫిక్స్ చేసినట్లు తెలుస్తోంది. మొదట్లో ఈ సినిమాకు ‘బంగార్రాజు’ అనే టైటిల్ ప్రచారం ఉన్నప్పటికీ.. ఫైన‌ల్‌గా ‘నేల టికెట్’కే మొగ్గుచూపించి చిత్రయూనిట్. ‘సోగ్గాడే చిన్ని నాయన’, ‘రారండోయ్ వేడుక చూద్దాం’లాంటి వరుస సక్సెస్‌లతో క్రేజీ డైరెక్టర్‌గా మారిన కళ్యాణ్ కృష్ణ.. రవితేజ కోసం ఓ మాస్ మసాలా చిత్రాన్ని తెరకెక్కిస్తుండటంతో ఈ మూవీపై అంచనాలు ఏర్పడ్డాయి.

కాగా ఈ చిత్రంలో సీనియర్ నటుడు జగపతిబాబు మరో విలన్ రోల్ చేయబోతున్నట్టు సమాచారం. ఎస్‌.ఆర్‌.టి ఎంటర్‌టైన్‌మెంట్స్‌ పతాకంపై రామ్‌ తాళ్లూరి నిర్మిస్తున్న ఈ సినిమాకు ఫిదా మ్యూజిక్ డైరెక్టర్ శక్తీ కాంత్ సంగీతం అందిస్తున్నారు. మాళవిక శర్మ మాస్ రాజాతో జోడీ కడుతోంది.

First day at shoot with Director @kalyankrishna_k for my next under #SRTEntertainments. pic.twitter.com/IK3yd1QBJv — Ravi Teja (@RaviTeja_offl) January 5, 2018