మహేష్‌పైనే ఆశలు పెట్టుకున్న హీరోయిన్

‘దూకుడు’ టైటిల్ సాంగ్‌తో సూపర్ స్టార్ మహేష్‌బాబు పక్కన సందడి చేసింది ఉత్తరాది భామ మీనాక్షి దీక్షిత్. ‘నీ దూకుడు’ అంటూ మహేశ్‌తో ఆడిపాడిన మీనాక్షి మంచి మార్కులే కొట్టేసింది. ఆ తర్వాత ‘దేవరాయ’లో శ్రీకాంత్ పక్కన అందాలు ఆరబోసినా ప్రేక్షకులు ఆమెను ఐటెమ్ క్వీన్‌గానే చూశారు. దీంతో మళ్లీ ఐటెమ్ బాట పట్టిన ఈ భామ ఎన్టీఆర్ ‘బాద్‌షా’ టైటిల్ ట్రాక్ సాంగ్‌లో మెరిసింది. తమిళం, మలయాళ ప్రేక్షకులకు అందాలతో మత్తెక్కించిన మీనాక్షికి ఆ పాటలు బోర్ కొట్టేశాయట. దీంతో హీరోయిన్‌గా కాకపోయినా ప్రత్యేక పాత్రల్లోనైనా నటించేందుకు సిద్ధపడిందట.

దీంతో తన అదృష్టాన్ని పరీక్షించుకునేందుకు మళ్లీ టాలీవుడ్‌కు వచ్చేసింది. మహేష్‌బాబు తాజా చిత్రం ‘మహర్షి’లో ఓ పత్యేక పాత్ర కోసం మీనాక్షిని తీసుకున్నారట. దీంతో కొద్ది రోజుల క్రితమే ఆమె యూనిట్‌తో చేరినట్లు తెలుస్తోంది. మహేశ్‌తో దూకుడులో చేసిన ఐటెమ్ సాంగ్‌తో బ్రేక్ వచ్చినట్లే... మళ్లీ ఆయనతో నటిస్తున్న తాజా చిత్రంతో తనకు అవకాశాలు పెరుగుతాయని మీనాక్షి ఎన్నో ఆశలు పెట్టుకుందట.