పవన్‌తో నటించడం కష్టమంటున్న మీరా

పవన్ కళ్యాణ్ సినిమాలో నటించాలని జూనియర్ నుంచి సీనియర్ ఆర్టిస్టులు ఎందరో అనుకుంటారు. మీరా చోప్రా మాత్రం... అమ్మో పవన్ తో నటించడం చాలా కష్టం అంటోంది. మీరా చోప్రా ‘బంగారం’ సినిమాలో నటించింది. వాన సినిమాతో మంచి గుర్తింపు సంపాదించుకుంది. ఆ తరువాత ఆమెకు పెద్దగా సినిమా ఆఫర్లు రాలేదు. ప్రస్తుతం హిందీలో ఓ హారర్ చిత్రం చేస్తోంది. మీడియాతో మాట్లాడుతూ ఎందుకోగాని ఓసారి పవన్ కళ్యాణ్ ను తలచుకుంది. తాను న్యూయార్క్ లో పెరిగానని... ఇండియాలో హీరోలను దేవుళ్లలా కొలుస్తారని విన్నానని చెప్పింది. అయితే బంగారం షూటింగ్‌లో ఏ రేంజ్ లో హీరోలకు ఫ్యాన్ ఫాలోయింగ్ ఉంటుందో అర్థమైందని చెప్పింది. తమిళనాడులోని పొలాచ్చిలో కొన్ని రోజుల పాటూ బంగారం షూటింగ్ జరిగినప్పటి సంఘటనను గుర్తుచేసుకుంది. పొలాచ్చిలో హోటల్ లేకపోవడంతో చిన్న గెస్టుహౌస్ లోనే అందరం ఉన్నామని చెప్పింది. చుట్టుపక్కల వారికి పవన్ కళ్యాణ్ వచ్చారని తెలిసి దాదాపు పదివేల మంది గెస్టు హౌస్ చుట్టు గుమిగూడారని తెలిపింది. రెండు రోజుల పాటూ జనం అలాగే ఉండడంతో షూటింగ్ చేయడం చాలా కష్టమైపోయిందని వివరించింది. అంతమంది జనం మధ్య నటించడం చాలా టార్చర్ గా అనిపించిందట.