పవన్ అదోటైపు.. నాగబాబు ఆసక్తికర కామెంట్స్

టాలీవుడ్‌లో మెగాబ్రదర్ నాగబాబు ఈమధ్య కాలంలో రకరకాల కామెంట్స్ చేస్తూ వార్తల్లో నిలుస్తూనే ఉన్నాడు. మోడీ కొత్తనోట్ల వ్యవహారంలో తన అభిప్రాయాన్ని వీడియో ద్వారా తెలియజేసి హాట్ టాపిక్ అయ్యాడు. తాజాగా తన తమ్ముడు పవర్ స్టార్ పవన్ కళ్యాణ్‌పై కొన్ని ఆసక్తికరమైన వ్యాఖ్యలను చేశారు. ఇటీవల ఓ ఇంటర్వ్యూలో జనసేన అధినేత పవన్ కల్యాణ్ రాజకీయ ప్రస్థానంపై తన అభిప్రాయాన్ని తెలియజేశాడు.

పవన్ కళ్యాణ్ సాదాసీదాగా పార్టీ పెట్టలేదని ఉన్నతమైన ఐడియాలజీతోటే రాజకీయాల్లోకి దిగాడంటూ.. మా వాడు అభిమానులు కోరితే రాజకీయాల్లోకి వచ్చే రకం కాదు. వాడు అదో టైపు మనిషి.. ఒకరు రమ్మంటి వచ్చి, పొమ్మంటే పోయే రకం కాదు, కల్యాణ్ బాబు తేడా మనిషి. అభిమానులు పెట్టమన్నారని జనసేన పార్టీ పెట్టలేదు. లేకపోతే మా అన్నయ్య చిరంజీవి ప్రజారాజ్యం పార్టీ పెట్టి, సక్సెస్ కాలేదు కాబట్టి పవన్ పార్టీ పెట్టలేదు. వాడికంటూ ఒక ప్రణాళిక ఉంది.

అన్నింటికీ మించి ఉన్నతమైన మనస్థత్వం ఉంది. గ్రేట్ క్యారెక్టర్ పవన్ కళ్యాణ్‌ది, వాడిలో బోలెడంత ఫ్రస్ట్రేషన్ ఉంది. ఏదో చేయాలనే తపన ఉంది. నాకు, వాడికి తేడా ఏంటంటే.. ‘కర్మ... వదిలెయ్’ అని నేను వదిలేస్తాను. వాడు వదలడు. వాడు అమీతుమీ తేల్చుకునే రకం.’’ అంటూ జనసేనాని గురించి తెలియజేశారు నాగబాబు.