Nagababu: సింగర్ సునీత పెళ్లిపై హాట్ టాపిక్‌గా నాగబాబు ట్వీట్

టాలీవుడ్ ప్రముఖ సింగర్ సునీత ఇటీవల రెండో పెళ్లి చేసుకున్న సంగతి తెలిసిందే. మ్యాంగో మూవీస్‌ అధినేత రామ్‌ వీరపనేనిని సునీత రెండో వివాహం చేసుకున్నారు. శంషాబాద్‌లోని అమ్మపల్లి శ్రీ సీతారామ చంద్ర స్వామి ఆలయంలో సన్నీహితులు-బంధువుల మధ్య వీరి వివాహం వైభవంగా జరిగింది.

ఈ సందర్భంగా సునీత-రామ్ దంపతులకు ప‌లువురు సినీ ప్ర‌ముఖులు శుభాకాంక్ష‌లు తెలియజేస్తున్నారు. తాజాగా మెగా బ్రదర్ నాగబాబు వీరికి శుభాకాంక్షలు తెలియజేస్తూ ట్వీట్ చేయగా.. దీనిపై హాట్ టాపిక్ నడుస్తోంది.

ఆనందం అనేది పుట్టుకతో రాదని.. దానిని మనం వెతికి అందుకోవాలని పేర్కొన్నారు. సునీత-రామ్‌లు తమ సంతోషాలను వెతికి గుర్తించినందుకు అభినందనలు తెలియజేస్తూ.. సునీత-రామ్‌ల జంట ధైర్యంగా ముందడుగు వేయాలనుకునే అనేకమంది జంటలకు ఆదర్శం అని ఆయన పేర్కొన్నారు. ప్రేమ, సంతోషం అనేది ఎప్పటికీ మీ పర్మనెంట్ అడ్రెస్‌గా మారాలని కోరుకుంటున్నాను. హ్యాపీ మ్యారీడ్ లైఫ్ సునీత, రామ్’ ట్వీట్ చేశారు నాగబాబు.