బోయపాటి మూవీలో రామ్ చరణ్ రోల్.. ఇంట్రస్టింగ్

‘రంగస్థలం’ బ్లాక్ బస్టర్ హిట్ తరువాత మెగా పవర్ స్టార్ రామ్ చరణ్ తేజ్.. మాస్ మసాలా దర్శకుడు బోయపాటి శ్రీను దర్శకత్వంలో యాక్షన్ ఎంటర్‌టైనర్ మూవీతో ప్రేక్షకుల ముందుకు వస్తున్నారు. రామ్ చరణ్‌ కెరియర్‌లో 12వ చిత్రంగా తెరకెక్కుతున్న ఈ మూవీలో బాలీవుడ్ బ్యూటీ కియారా అద్వానీ హీరోయిన్‌గా నటిస్తుంది. బాలీవుడ్ స్టార్ వివేక్ ఒబెరాయ్ ప్రతినాయుకుడిగా కనిపించనుండగా.. స్నేహా, ఆర్యన్ రాజేష్ కీలక పాత్రలు పోషిస్తున్నారు.

డి.వి.వి.ఎంట‌ర్‌టైన్‌మెంట్ బ్యాన‌ర్‌‌లో డీవీవీ దానయ్య ఈ చిత్రాన్ని నిర్మిస్తున్నారు. ప్రస్తుతం షూటింగ్ దశలో ఉన్న ఈ సినిమా టైటిల్‌పై అనేక ఊహాగానాలు ఉన్న నేపధ్యంలో మరో ఇంట్రస్టింగ్ వార్త చక్కర్ల కొడుతుంది.

ఈ మూవీలో రామ్ చరణ్ మరోసారి పవర్ ఫుల్ పోలీస్ ఆఫీసర్ పాత్రలో కనిపించనున్నట్లు సమాచారం. తుఫాన్, ధృవ చిత్రాల్లో పోలీసు అధికారిగా ఆకట్టుకున్న రామ్ చరణ్ మరోసారి ఈ తరహా పాత్రలో కనిపించనున్నారట. కాగా ఈ మూవీ ఫస్ట్ లుక్‌ టైటిల్‌ను మెగాస్టార్ చిరంజీవి పుట్టినరోజు సందర్భంగా ఆగష్టు 22న విడుదల చేసే అవకాశం ఉంది. అదేరోజున ‘సైరా’ టీజర్‌ను కూడా విడుదల చేయనుండటంతో మెగా అభిమానులకు పండగనే చెప్పాలి.