Navishka Annaprasana: చిరు ఇంట్లో సందడి.. హాజరైన పవన్ భార్య, కొడుకు

కొణిదెల వారి ఇంటి పండుగ వాతావరణం.. 2018 క్రిస్మస్ పండుగనాడు మెగాస్టార్ చిరంజీవి తాతయ్య అయిన విషయం తెలిసిందే. చిరంజీవి రెండో కుమార్తె శ్రీజ, కల్యాణ్‌ దేవ్‌ దంపతులకు క్రిస్మస్ నాడు పాప జన్మించింది. ఈ పాపకు ఇటీవల ‘నవిష్క’ అని నామకరణం చేశారు. ఈ గారాల పట్టి అన్నప్రాసన కార్యక్రమం మెగాస్టార్ ఇంట్లో ఎంతో అట్టహాసంగా జరిగింది. ఈ వేడుకలో పవన్ భార్య అన్నా లెజ్నేవా కొడుకుతో పాటు హాజరై సందడి చేశారు.

అయితే జూన్ 19న జరిగిన ఈ అన్న ప్రాసనకు సంబంధించిన ఫొటోలు సోషల్ మీడియాలో ఇప్పుడు వైరల్ అవుతుండటం విశేషం. ఎంతో క్యూట్‌గా చిరునవ్వులు చిందిస్తున్న ఈ చిన్నారి నవిష్క ఫొటోలు సోషల్ మీడియాలో తెగ సందడి చేస్తున్నాయి.

ఈ వేడుకలో మెగా ఫ్యామిలీ హీరోలతో పాటు అల్లు అరవింద్ ఫ్యామిలీ సభ్యులు, కళ్యాణ్ దేవ్ ఫ్యామిలీ సభ్యులు పాల్గొన్నారు. అయితే పవన్ కళ్యాణ్, రామ్ చరణ్, ఉపాసనలు వ్యక్తిగత పనుల వల్ల హాజరు కాలేకపోయారు. నవిష్క అన్న ప్రాసన వేడుకను ఈ వీడియోలో చూడొచ్చు.