దూసుకొస్తున్న ‘సైరా’.. టీజర్ ఎప్పుడంటే!

మెగాస్టార్ చిరంజీవి లీడ్ రోల్‌లో ‘ఉయ్యాలవాడ నరసింహారెడ్డి’ జీవిత చరిత్ర ఆధారంగా తెరకెక్కుతోన్న ‘సైరా నరసింహారెడ్డి’ టీజర్‌పై అఫీషియల్ అనౌన్స్‌మెంట్ వచ్చేసింది. స్వాతంత్య్ర దినోత్సవం సందర్భంగా ఈ మూవీ టీజర్ రిలీజ్ పోస్టర్‌ను విడుదల చేస్తూ.. మె గాస్టార్ బర్త్ డే కానుకగా ఈ మూవీ టీజర్‌ను విడుదల చేస్తున్నట్లు ప్రకటించింది చిత్ర యూనిట్. ఆగష్టు 21 ఉదయం 11:30 గంటలకు ‘సైరా’ మూవీ నెట్టింట్లో సందడి చేయనుంది.
కొణిదెల ప్రొడక్షన్స్ పతాకంపై మెగా పవర్ స్టార్ రామ్ చరణ్ సుమారు రూ.200 కోట్ల భారీ బడ్జెట్‌తో ఈ చిత్రాన్ని నిర్మిస్తున్నారు. సురేందర్ రెడ్డి దర్శకత్వం వహిస్తుండగా.. నయనతార మెగాస్టార్‌తో జోడీ కడుతున్నారు. బాలీవుడ్ నుండి అమితాబ్ బచ్చన్, కోలీవుడ్ నుండి విజయ్ సేతుపతి, శాండిల్ ఉడ్ నుండి కిచ్చా సుధీప్ నటిస్తుండగా.. జగపతిబాబు కీలక పాత్రలో కనిపించనున్నారు.