Megastar Chiranjeevi: అందరి కంటే ముందుగానే.. పవన్‌కు విషెస్ చెప్పిన చిరంజీవి

'ఫస్ట్ డే ఫస్ట్ షో' (First Day First Show) మూవీ ప్రీరిలీజ్ ఈవెంట్‌ను హైదరాబాద్‌లో గ్రాండ్‌గా నిర్వహించారు. ఈ వేడుకకు మెగాస్టార్ చిరంజీవి (Chiranjeevi) చీఫ్ గెస్ట్‌గా హాజరయ్యారు. జాతి రత్నాలు చిత్రం డైరెక్టర్ అనుదీప్ కెవి (Anudeep KV) కథ, స్క్రీన్ ప్లే, డైలాగ్స్ అందించిన ఈ సినిమాకు వంశీధర్ గౌడ్, లక్ష్మీనారాయణ దర్శకత్వం వహించారు. శ్రీకాంత్ రెడ్డి (Srikanth Reddy), సంచిత బాషు (Sanchita) హీరోహీరోయిన్స్‌. పూర్ణోదయ క్రియేషన్స్ (Poornodaya Creations) అధినేత ఏడిద నాగేశ్వరరావు మనవరాలు శ్రీజ ఈ మూవీని నిర్మించారు. సెప్టెంబర్ 2న రిలీజ్ కాబోతుంది.

ఈ సందర్భంగా స్పీచ్ ఇచ్చిన చిరంజీవి.. చివర్లో తన తమ్ముడు, పవర్ స్టార్ పవన్ కళ్యాణ్ (Pawan Kalyan)కు ముందస్తుగా బర్త్ డే విషెస్ చెప్పారు. 'అందరికీ వినాయక చవితి శుభాకాంక్షలు. అలాగే ఈ సినిమా రిలీజ్ అయ్యే రోజు నా తమ్ముడు పవన్ కళ్యాణ్ పుట్టినరోజు. ముందుస్తుగా మీ అందరి సమక్షంలో మా తమ్ముడు పవన్ కళ్యాణ్‌కు హృదయపూర్వక జన్మదిన శుభాకాంక్షలు తెలియజేస్తున్నా.. గాడ్ బ్లెస్ యూ..' అని పవన్ స్టార్‌కు మెగాస్టార్ పుట్టినరోజు శుభాకాంక్షలు తెలిపారు. చిరంజీవి పవన్ కళ్యాణ్ పేరు ఎత్తగానే.. అభిమానులతో ఈలలు, కేకలతో హోరెత్తించారు.

అంతకుముందు చిరంజీవి మాట్లాడుతూ.. దర్శకులు, నిర్మాత‌లు స్టోరీ సెలెక్షన్‌లో ఎంతో జాగ్రత్తగా ఉండాలని సూచించారు. అంద‌రితో చ‌ర్చించి, బాగుంద‌నుకున్న త‌రువాతే సినిమా చేయండని చెప్పారు. సినిమా ఇండ‌స్ట్రీ గ‌డ్డు కాలాన్ని ఫేస్ చేస్తుందని.. కరోనా త‌ర్వాత ఆడియెన్స్ థియేట‌ర్స్ రావ‌టం అనేది తగ్గిందన్నారు. అయితే ఆడియన్స్ థియేట‌ర్స్‌కు వెళ్లకూడ‌దు.. సినిమాల‌కు రాకూడ‌దని అనుకోవడం లేదన్నారు. కంటెంట్ బాగుంటే ప్రేక్షకులు కచ్చితంగా థియేటర్‌కు వస్తారని అన్నారు మెగాస్టార్. అటువంటి కంటెంట్ మ‌నం ఇవ్వగ‌ల‌గాలన్నారు.