Narendra Modi Birthday: మోదీకి చిరంజీవి, మోహన్ బాబు బర్త్ డే విషెస్

నేడు భారత ప్రధాని నరేంద్ర మోదీ (Narendra Modi) పుట్టిన రోజు. మోదీ 72వ పుట్టినరోజు సందర్భంగా సామాన్యుల దగ్గర నుంచి ప్రపంచ నేతల వరకు సోషల్ మీడియా వేదికగా బర్త్ డే విషెస్ చెబుతున్నారు. దేశవ్యాప్తంగా బీజేపీ శ్రేణులు పుట్టినరోజు వేడుకలను ఘనంగా నిర్వహిస్తోంది. సామాజిక సేవా కార్యక్రమాలు నిర్వహిస్తున్నారు. మోదీ బర్త్ డే వేడుకలను నెలరోజుల పాటూ నిర్వహించబోతున్నారు.

నరేంద్ర మోదీ పుట్టినరోజు సందర్భంగా టాలీవుడ్ సినీ ప్రముఖులు శుభాకాంక్షలు చెబుతున్నారు. మెగాస్టార్ చిరంజీవి (Chiranjeevi), మోహన్ బాబు (Mohan Babu), మంచు విష్ణు (Manchu Vishnu), బండ్ల గణేష్ (Bandla Ganesh), మోహన్ లాల్ (Mohan Lal) తదితరులు ట్విట్టర్‌లో మోదీకి విషెస్ చెప్పారు.

'దీర్ఘకాలం పాటు మన దేశానికి సేవ చేయడానికి మీకు మంచి ఆరోగ్యం, శక్తిని కోరుకుంటున్నాను.. ప్రధాని నరేంద్ర మోదీజీకి పుట్టినరోజు శుభాకాంక్షలు..' అని చిరంజీవి ట్వీట్ చేశారు.

'మీ అనుభవం చాలా రకాలుగా మమ్మల్ని సానుకూలంగా ప్రభావితం చేసింది. మీరు మన దేశం గర్వపడేలా చేశారు. మీకు దీర్ఘాయువు, మంచి ఆరోగ్యం, శ్రేయస్సు, మన దేశం కోసం మీ కలలన్నీ నెరవేర్చాలని నేను ప్రార్థిస్తున్నాను..' అని మోహన్ బాబు రాసుకొచ్చారు.