Waltair Veerayya: USA కలెక్షన్స్‌పై చిరంజీవి సెన్సేష‌న‌ల్ కౌంటర్ ...వీడియో వైరల్..సైలెంట్‌గా ఏసేశాడు

మెగాస్టార్ చిరంజీవి (Megastar Chiranjeevi) లేటెస్ట్ మూవీ ‘వాల్తేరు వీరయ్య’ (Waltair Veerayya). బాబీ ద‌ర్శ‌క‌త్వంలో మైత్రీ మూవీ మేక‌ర్స్ ఈ చిత్రాన్ని నిర్మించింది. సంక్రాంతి (Sankranthi 2023) సంద‌ర్బంగా ఈ మూవీ జ‌న‌వ‌రి 13న రిలీజైంది. తొలి రోజు నుంచి బాక్సాపీస్ వ‌ద్ద దూకుడు చూపిస్తూ వ‌స్తుంది. ఇప్ప‌టికే రూ.114 కోట్ల‌కు పైగా షేర్ క‌లెక్ష‌న్స్‌ను రాబ‌ట్టుకోవ‌టం విశేషం. ఈ సినిమా బ్లాక్ బ‌స్ట‌ర్ హిట్ కావ‌టంపై మెగా ఫ్యాన్స్ సంబ‌రాలు చేసుకుంటున్నారు. ఇక రెండో వారం కూడా సినిమాకు ఎదురు ఉండ‌దు కాబ‌ట్టి.. క‌లెక్ష‌న్స్ బాగానే ఉంటుంద‌ని ట్రేడ్ వ‌ర్గాలు అంటున్నాయి.

ముఖ్యంగా యు.ఎస్‌.ఎలో చూసుకుంటే ‘వాల్తేరు వీరయ్య’ క‌లెక్ష‌న్స్ స్ట‌డీగానే ఉంది. ఇప్ప‌టికే సినిమా 2.2 మిలియ‌న్ డాల‌ర్స్‌ను దాటేసింది. 2.5 మిలియ‌న్ వైపుకు అడుగులేస్తుంది. ఓవర్ సీస్ డిస్ట్రిబ్యూట‌ర్స్ శ్లోక ఎంట‌ర్‌టైన్మెంట్స్ సంస్థ ఫుల్ సేఫ్ జోన్‌లోకి వెళ్లింది. ఈ హ్యాపీ మూమెంట్స్‌ను మేక‌ర్స్‌, డిస్ట్రిబ్యూట‌ర్స్ ఎంజాయ్ చేస్తున్నారు. అందులో భాగంగా యు.ఎస్‌.ఎలో 25 ఏరియాల్లోని 25 థియేట‌ర్స్‌లో 25 షోస్‌ను అభిమానుల కోసం ప్ర‌త్యేకంగా ప్ర‌ద‌ర్శించారు. ఈ షో అనంత‌రం మెగాస్టార్ చిరంజీవి సినిమా చూడ‌టానికి వ‌చ్చిన ఫ్యాన్స్‌, ప్రేక్ష‌కుల‌తో ప్ర‌త్యేకంగా ముచ్చ‌టించారు.

ఓవ‌ర్ సీస్ ప్రేక్ష‌కుల‌తో మాట్లాడుతున్న స‌మ‌యంలో చిరంజీవి న‌వ్వుతూనే యు.ఎస్‌.ఎ క‌లెక్ష‌న్స్‌పై సంచ‌ల‌న కామెంట్స్ చేశారు. కొంత మంది ‘వాల్తేరు వీరయ్య’కు 2.25 రేటింగ్ ఇచ్చారు. అంటే వారు ముందుగానే క‌లెక్ష‌న్స్‌ను చెప్పారు. కానీ అది మ‌నమే అర్థం చేసుకోలేదని అన్నారు. ఇది స‌ర‌దాగా అన్నాన‌ని, ఎవ‌రినీ ఉద్దేశించి ఈ వ్యాఖ్య‌లు చేయ‌లేద‌ని అన్నారు చిరంజీవి. అయితే నెటిజ‌న్స్ మాత్రం చిరంజీవి న‌వ్వుతూనే ‘వాల్తేరు వీరయ్య’ సినిమాను త‌క్కువ చేసి రాసిన వారికి గ‌ట్టి కౌంట‌ర్ ఇచ్చారంటున్నారు.



ALSO READ: రామ్ చరణ్ సతీమణి ఉపాస‌న ఇంట విషాదం.. ఎమోష‌న‌ల్ పోస్ట్ చేసిన మెగా కోడ‌లు

ALSO READ: హీరోయిన్ హనీ రోజ్‌తో మందు కొడుతున్నNandamuri Balakrishna... ఫొటో వైర‌ల్‌

ALSO READ: Nithiin: అంజనేయ స్వామి దీక్షలో నితిన్..బాబాయ్ హోటల్ కోసం వచ్చిన హీరో

ALSO READ: స్టేజ్ మీద బాలయ్య బూతులు.. చప్పట్లు కొట్టిన Harish Shankar.. వీడియో వైర‌ల్‌.. నెటిజన్ ఫైర్‌

• Read Latest Tollywood updates and Telugu News